პატარა ფოთში მომხდარ ავტოსაგზაო შემთხვევას არასრულწლოვანი გოგონა ემსხვერპლა

ხობის მუნიციპალიტეტის, სოფელ პატარა ფოთში მომხდარ ავტოსაგზაო შემთხვევას, არასრულწლოვანი გოგონა ემსხვერპლა. არიან დაშავებულებიც. არსებული ინფორმაციით, მაღალი სიჩქარით მოძრავი მსუბუქი ავტომანქანის მძღოლმა საჭე ვერ დაიმორჩილა და ხეს შეეჯახა.

შედეგად 4 პირი, მათ შორის 2 არასრულწლოვანი დაშავდა. ისინი სასწრაფო-სამედიცინო დახმარების ბრიგადებმა ფოთის ჰოსპიტალში გადაიყვანეს, ერთი არასრულწლოვანი გოგონა კლინიკაში მიყვანისთანავე გარდაიცვალა.

“ადგილზე მისულებს დაგხვდა 4 დაშავებული, აქედან, ორი იყო არასრულწლოვანი. დამატებით 2 ეკიპაჟის გამოძახება დაგვჭირდა, მათ ადგილზე ჩაუტარდათ პირველადი სამედიცინო დახმარება და ოთხივე გადავიყვნეთ ფოთის ჰოსპიტალში . ყველას მდგომარეობა მძიმე იყო,”- განაცხადა ფოთის სასრაფო-სამედიცინო დახმარების ცენტრის მორიგე ექიმმა ქრისტინე დანელიამ.

შშს-ს ინფორმაციით, მომხდარ ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად