პარტია „საქართველოსთვის“: რუსთავი 2-მა გიორგი გახარიაზე გაავრცელა ტყუილი და ფეიკ ნიუსი

პარტია “საქართველოსთვის” ტელეკომპანია “რუსთავი 2”-ს ფეიკნიუსის გავრცელებაში ადანაშაულებს.

პარტიაში აცხადებენ, რომ გიორგი გახარიაზე რუსთავი 2-მა გაავრცელა ტუილი.

“რუსთავი ორის მიერ გავრცელებული ინფორმაცია არის აბსოლუტური ტყუილი და ფეიკ ნიუსი” განუცხადეს “აიპრესს” პარტიის პრესსამსახურში.

ცნობისთვის, “რუსთავი 2-ის ინფორმაციით გიორგი გახარიასა და მიხეილ სააკაშვილს შორის, შეერთებულ შტატებში, სავარაუდოდ, კონსპირაციული შეხვედრა შედგა.

“რუსთავი 2-მა” გაარკვია, რომ შეერთებულ შტატებში “ნაციონალური მოძრაობისა” და პარტია “საქართველოსთვის” დელეგაციები ერთ სასტუმროში იმყოფებოდნენ.

შედგა თუ არა რაიმე ტიპის შეხვედრა გიორგი გახარიასა და ნიკა მელიას შორის, უცნობია, თუმცა იმას, რომ ყოფილი პრემიერი იმავე სასტუმროში იმყოფებოდა, სადაც “ნაციონალური მოძრაობის” თავმჯდომარე – ადასტურებს, ასევე, ვაშინგტონში მყოფი თინათინ ბოკუჩავა. თუმცა იმასაც ამბობს, რომ სასტუმროდან გიორგი გახარია “გაიქცა”.

სასტუმროს ტერიტორია გიორგი გახარიამ უკვე დატოვა, თუმცა “კურიერმა” მისი დაცვის წარმომადგენელი კვლავ სასტუმროში დააფიქსირა.

ასევე, ამავე სასტუმროში – The Mayflower Hotel-ში ჩავიდა მიხეილ სააკაშვილიც, თუმცა მან “რუსთავი 2-თან” კომენტარი არ გააკეთა.

კომენტარები
იტვირთება...