პარიზსა და მარსელში, ბარებისა და რესტორნების დახურვის გამო, საპროტესტო აქციები მიმდინარეობს

პარიზსა და მარსელში, ბარებისა და რესტორნის მფლობელები კორონავირუსული პანდემიის გამო დაწესებულ ახალ შემზღუდავ ზომებს აპროტესტებენ. იუწყება ფრანგული საერთაშორისო რადიო RFI.

28 სექტემბრიდან პარიზში ბარებისა და რესტორნების მუშაობა უნდა დასრულდეს 22.00 საათზე. ამასთან, რესტორნებმა, რომლებიც არ ყიდიან ალკოჰოლს საკვების შეკვეთის გარეშე, შეიძლება გააგრძელონ ფუნქციონირება. მარსელსა და მეზობელ ქალაქ აიქს-პროვანესში, 28 სექტემბრის 00.00 საათიდან, კვების ობიექტები მთლიანად იკეტება. ხელისუფლების გადაწყვეტილებას ამ სფეროში მომუშავეთა აღშფოთება მოჰყვა.

ბარებისა და რესტორნების მეპატრონეები ამბობენ, რომ მათ ბევრი ფული დახარჯეს საკარანტინო პერიოდის შემდგომ სიტუაციიდან გამოსასვლელად, ახლა კი მათ ინვესტიციის დაბრუნების შესაძლებლობა არ ეძლევათ.
28 სექტემბრის მონაცემებით, საფრანგეთში კორონავირუსის 539 ათასი ახალი შემთხვევა დაფიქსირდა.
მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად