„ოცნების“ თელავი-ახმეტა-ყვარელი-ლაგოდეხის მაჟორიტარობის დეპუტატს კორონავირუსი დაუდასტურდა

პარტია „ქართული ოცნების“ თელავი-ახმეტა-ყვარელი-ლაგოდეხის მაჟორიტარობის დეპუტატს ირაკლი ქადაგიშვილს კორონავირუსი დაუდასტურდა. ამის შესახებ დეპუტატობის კანდიდატი განცხადებას საკუთარ ფეისბუქ გვერდზე ავრცელებს.

„მინდა მოგახსენოთ, რომ დამიდასტურდა COVID-19, რის გამოც იძულებული ვარ საჯარო სივრციდან გადავინაცვლო თვითიზოლაციაში. თავს ვგრძნობ ყველაზე უფრო მეტად მხნედ, შემართებით და იმედიანად. იმედის საფუძველს, სწორედ ის განწყობა და მუხტი მაძლევს, რაც აქტიური საარჩევნო კამპანიის დროს თქვენგან მუდმივად იგრძნობოდა. მინდა მოგმართოთ თითოეულ მოქალაქეს და მოგიწოდოთ – წადით არჩევნებზე და გააკეთეთ ღირსეული არჩევანი. არაერთხელ მითქვამს და ახლაც განვმეორდები, რომ საქართველოს პარლამენტში მე ვიქნები თითოეული თქვენგანის ინტერესების დამცველი. მშვიდობის და განვითარების გზით სვლა, რაც „ქართული ოცნების” მონაპოვარია შეუქცევადი გახდება ჩვენი ქვეყნისთვის. მე თქვენთან ერთად გავაგრძელებ კახეთის განვითარებაზე ზრუნვას და ერთად შევქმნით ამ მადლიანი კუთხის წარმატების ისტორიას. ჩვენ, ყველა ერთად გავიმარჯვებთ კახეთისა და საქართველოს წარმატებისთვის“,  – წერს ქადაგიშვილი.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად