A1 ბანერი

ოქრუაშვილი: საქართველოში ჩემს დაბრუნებაში მე თვითონვე შევიტანე მნიშვნელოვანი წვლილი

“საქართველოში ჩემს დაბრუნებაში მე თვითონვე შევიტანე საკმაოდ მნიშვნელოვანი წვლილი”, – ასე პასუხობს თავდაცვის ყოფილი მინისტრი ირაკლი ოქრუაშვილი გადაცემა “რეაქციის” წამყვანის კითხვას იმაზე, რომ ის ახლა საუბრობს ხეების ცურვაზე და იმაზე, რომ არაფერი არ ხდება და ეს უფრო სერიოზულ პრობლემად მიაჩნია, ვიდრე ის, რომ წინა ხელისუფლების დროს პოლიტიკური დევნილი იყო და საქართველოში ვერ ჩამოდიოდა.

“ოცნების ხელისუფლებაში მოსვლაშიც მე თვითონვე შევიტანე ისეთივე წვლილი, როგორიც სხვა ნებისმიერმა მოქალაქემ. ჩვენ ვახეთ ადამიანი, [ივანიშვილი] რომელსაც სახელმწიფოებრივი აზროვნების ნაცვლად კრიმინალური ნიშნები უფრო მეტი აქვს. ადამიანი, რომელიც სასამართლოს ფუნქციებს უფრო ითავსებს. იქ იბარებს თავისთან ვიღაცებს და თვითონ არკვევს და არჩევს, ვინ მტყუანი და ვინ მართალია.

არჩევნების წაგების შემდეგ აბსოლუტურად მიწასთან გასწორებული იყო. საომარი მდგომარეობა რომ იყოს, ამ ადამიანმა უნდა დაგვიძახოს ჩვენ წამოდი და ქვეყანა გადავარჩინოთო”, – განაცხადა ირაკლი ოქრუაშვილმა.

კითხვაზე, მსოფლიო მედიას აქვს ფოტო 2008 წლის აგვისტოს ომზე, სადაც სააკაშვილი იყო შეშინებული ლიდერის პოზიციაში, – რაზეც ოქრუაშვილი პასუხობს:

“ამაზე მე მაქვს ჩემი შენიშვნა. ის წარსულია და იმაზე იმიტომ არ ვლაპარაკობ. ახლა რაც არის სტატუს-კვო იმაზე ვლაპარაკობ, თორემ იმაზე თავის დროზე ჩვენ ჩვენი სათქმელი ვთქვით”, – განაცხადა ირაკლი ოქრუაშვილმა.

მსგავსი სიახლეები
კომენტარები
იტვირთება...