ოკუპირებული აფხაზეთის დე ფაქტო პრეზიდენტი ასლან ბჟანია ელექტროენერგიის მოხმარების შემცირებისკენ მოუწოდებს
სადერივაციო გვირაბზე სარემონტო სამუშაოების დაწყებას ენგურჰესის სრული გაჩერება და ოკუპირებული აფხაზეთის ელექტრომომარაგებაში სირთულეები მოჰყვა
პარასკევს, 22 იანვარს, ოკუპირებულ აფხაზეთის ენერგეტიკული კრიზისისადმი მიძღვნილ თათბირზე გამართულ დე ფაქტო პრეზიდენტმა ელექტროენერგიის მოხმარების შემცირების მიზნით აფხაზეთის სხვადასხვა რაიონში შტაბების შექმნა მოითხოვა.
ასლან ბჟანიას მიერ გაცემული მითითებების თანახმად, შტაბების მუშაობა იმგვარად უნდა წარმართონ, რომ ელექტროენერგიის მოხმარება 2019 წლის დონეს პლიუს 5%-მდე შემცირდეს.
ენგურჰესის მიერ გამომუშავებული ენერგიის დიდი ნაწილის სასურველ დროს და უსასყიდლოდ მიღებამ, დაწესებულმა დაბალმა ტარიფებმა და კრიპტოვალუტის ბუმმა აფხაზეთში ელექტროენერგიის მოხმარების მკვეთრი ზრდა გამოიწვია.
2020 წელს ოკუპირებულმა აფხაზეთში ელექტროენერგიის მოხმარებამ 2552,4 მლნ კვტსთ შეადგინა, რაც ენგურჰესის მიერ გამომუშავებული ელექტროენერგიის 76,72%-ს და თელასის მიერ მოხმარებული ელექტროენერგიის 96,89%-ს შეადგენს.