რუსეთის საოკუპაციო ძალების მიერ დაკავებული საქართველოს სამი მოქალაქე ამ დრომდე უკანონო პატიმრობაში რჩება.
როგორც ერთ-ერთი დაკავებულის ოჯახის წევრები "კურიერთან" აცხადებენ, ისინი სანთლების დასანთებად წმინდა გიორგის ეკლესიაში ავიდნენ, საიდამაც ოკუპანტებმა გაიტაცეს.
"სანთლები წაიღო დასანთებად. ავიდა, დაანთო და მოკიდეს ხელი და წაიყვანეს. წმინდა გიორგის ეკლესიაში ავიდნენ... სამნი იყვნენ," - ამბობს გატაცებული ხვიჩა კორინთელის დედა მაყვალა კორინთელი.
"სანთლებს დავანთებო, საშინაო ტანსაცმლითაა წასული... დღეს მესამე დღეა, მაგრამ შაბათ-კვირა დაემთხვა. ორშაბათს ალბათ პატარა სასამართლო ჩატარდება და სამშაბათისთვის ველოდებით, ვნახოთ რა იქნება," - ამბობს გატაცებული ხვიჩა კორინთელის და, ნანა კორინთელი.
