A1 ბანერი

ობობა-მგლები საფრანგეთში, ქალაქ მონპელიეს სკოლაში

საფრანგეთის სამხრეთ ნაწილში, ხმელთაშუა ზღვის მახლობლად, ქალაქ მონპელიეს ერთ-ერთ დაწყებით სკოლაში არსებული 16 საკლასო ოთახიდან შვიდში მოსწავლეები სამი დღის განმავლობაში ვერ შედიოდნენ. 

130 მოსწავლის, რომლებსაც ამ საკლასო ოთახებში უტარდებოდათ გაკვეთილები, ბიბლიოთეკაში, გასამრავლებელი აპარატების ოთახში, აგრეთვე სხვა კლასებში გადანაწილება ოთახებში ობობა-მგლების მოკალათების გამო გახდა აუცილებელი.

ობობა-მგლები 3,5 სმ-მდე ზომის და წონა 7 გრამამდე წონის, რბილი ბეწვით დაფარულები არიან. ისინი აბლაბუდას ქსელებს არ ქსოვენ, სიცარიელებში აქვთ სოროები და მსხვერპლის შემჩნევისას მას მისდევენ ან სოროდან ახტებიან ზედ. ობობა-მგლები აგრესიულები არიან. მათი ნაკბენი ადამიანისთვის საშიში არ არის, თუმცა ძლიერ ქავილს და კანის შეწითლებას იწვევს. აღსანიშნავია აგრეთვე, რომ ადამიანთა საკმაო ნაწილი არაქნოფობია – ობობების დანახვისას პანიკური შიში იპყრობს.

სკოლის ადმინისტრაციისათვის მერიიდან დასახმარებელად გაგზავნილი სანიტარული სამსახურის წარმომადგენლები დეზინფექციის ჩატარების დროს ობობა-მგლების ნაწილი დაიხოცა, ნაწილმა – გაქცევით უშველა თავს და კანშეწითლებულმა და ქავილით შეწუხებულმა სანიტარებმა დავალება შესრულებად ჩათვალეს.

გუშინ, დილით, მწვანე შუქის ანთებით დაიმედებულმა ადმინისტრაციამ დეზინფენქცირებული საკლასო ოთახები გახსნა და იქ ობობა-მგლები აღარ იყვნენ, თუმცა, დღის მეორე ნახევარში, ისინი სკოლის ეზოში შენიშნეს.

 

მასალა მოამზადა რაულ კაპანაძემ.

 

მსგავსი სიახლეები
კომენტარები
იტვირთება...