ობამა ჯორჯ ბუშ უფროსის გარდაცვალებაზე: ამერიკამ თავმდაბალი მსახური დაკარგა

აშშ-ის ყოფილმა პრეზიდენტმა ბარაკ ობამამ მწუხარება გამოთქვა აშშ-ის 41-ე პრეზიდენტის ჯორჯ ბუშ უფროსის გარდაცვალებასთან დაკავშირებით და განაცხადა, რომ ამერიკამ პატრიოტი და თავმდაბალი მსახური დაკარგა. ამის შესახებ ბარაკ ობამა თავის ტვიტერზე წერს.

“ჩვენი გულები დღეს სავსეა მწუხარებით, მაგრამ ამავდროულად სავსეა მადლიერებით. არამხოლოდ იმ წლების გამო, რომელიც მან პრეზიდენტის რანგში გაატარა, არამედ იმ 70 წლის გამო, რომლის განმავლობაში იგი ემსახურა ქვეყანას, რომელიც უყვარდა”, – წერს ობამა.

მისი თქმით, ამერიკელები თავიანთი ფიქრებით ბუშების ოჯახის გვერდით არიან.

შეგახსენებთ, რომ დღეს აშშ-ის ყოფილი პრეზიდენტი ჯორჯ ბუშ უფროსი 94 წლის ასაკში გარდაიცვალა. იგი ამერიკის პრეზიდენტი 1989-დან 1993 წლამდე იყო. მისი მმართველობისას დასრულდა ცივი ომი და დაიშალა საბჭოთა კავშირი. მიმდინარე წლის აპრილში კი მისი მეუღლე ბარბარა პირს ბუში გარდაიცვალა, რომელთანაც მან 73 წელიწადი გაატარა.

მსგავსი სიახლეები
კომენტარები
იტვირთება...