ნოდარ მელაძე: მამუკა მდინარაძის ინიციატივით “ოცნების” დეპუტატები “მთავარ არხს” ინტერვიუს არ აძლევენ

მამუკა მდინარაძის ინიციატივით “ქართული ოცნების” დეპუტატები “მთავარ არხს” ინტერვიუს არ აძლევენ, – ამის შესახებ “მთავარი არხის” საინფორმაციო სამსახურის უფროსი ნოდარ მელაძე Facebook-ში წერს:

“!!! მამუკა მდინარაძის ინიციტივით, ქართული ოცნების დეპუტატები მთავარ არხს ინტერვიუს არ აძლევენ. პარტიული ვერტიკალის ამ გადაწყვეტიულებით შეწუხებულმა დეპუტატმა კი პირად საუბრებში დაგვიდასტურეს, რომ ბოიკოტირების ამბავი მათ ჩატით აცნობეს და აუკრძალეს ჩვენს კითხვებზე პასუხი გაცემა.

!!! როდესაც ინფორმაციას ვაზუსტებთ რომელიმე პრესცენტრთან, ამბავს მალავს, არ გვპასუხობს და ჩვენს ინფორმაციას სამთავრობო მედიას ეუბნება (გვაქვს შესაბამისი მტკიცებულებებიც და მიმოწერის ფოტოასლებიც)

!!! პრესცენტრების ნაწილი განზრახ არ გვეუბნება მათ ღონისძიებებს, ვითომ გამორჩათ…

საინტესოა ომში მუშაობა, მაინც სასწრაფოზე ადრე მივდივართ გადასაღებ მოედანზე…

რაც დავწერე, მტკიცებულებებს ვამზადებთ, ვთარგმნით და გავუგზავნით, საერთაშორისო მედიაორგანიზაციებს, არასამთავრობეობს და დიპკორპუსს”, – წერს ნოდარ მელაძე.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად