ოზურგეთი ნოდარ დუმბაძის სახელობის საერთაშორისო თეატრალურ ფესტივალს უმასპინძლებს - ამის შესახებ ოზურგეთის მერმა, ავთანდილ თალაკვაძემ დღეს გამართულ მერიის სხდომაზე ისაუბრა.
„განსაკუთრებული სიამაყით მინდა ვისაუბრო საერთაშორისო თეატრალურ ფესტივალზე, რომელიც ოზურგეთში „ფონდი ქართუს“ მიერ განახლებულ თეატრში ჩატარდება - ფესტივალი ნოდარ დუმბაძის სახელობის გახლავთ და მასში ბევრი დასი მონაწილეობს. სტუმრები გვეყოლება 14 სხვადასხვა ქვეყნიდან. მოხარული ვარ რომ ოზურგეთის მერია ფესტივალის ერთ ერთი მთავარი მხარდამჭერია და ჩვენი ქალაქი კი ამდენი საერთაშორისო სტუმრის მასპინძელი,“- აღნიშნავს, ოზურგეთის მერი.
