ნიკა მელია გიორგი გახარიაზე: არ მეშვება ეს ადამიანი, რამდენჯერაც გამოჩნდება, იმდენი მახსენებს მე

“არ მეშვება ეს ადამიანი, რამდენჯერაც გამოჩნდება, იმდენი მახსენებს მე. ამ კენჭების სროლას ჩემკენ, ბატონო გახარია, ხომ არ სჯობს, თავად იყაროთ კენჭი თბილისის მერობის კანდიდატად”.

ასე გამოეხმაურა „ნაციონალური მოძრაობის“ თავმჯდომარე, თბილისის მერობის კანდიდატი ნიკა მელია პარტია „საქართველოსთვის“ ლიდერის, გიორგი გახარიას დღევანდელ განცხადებას.

„საზოგადოებამ გადაწყვიტოს 2 ოქტომბერს, ვინ იყო 20 ივნისის ყველაზე მნიშვნელოვანი ნეგატიური გმირი? მე მგონი, საზოგადოებას უნდა მივანდოთ ამის გადაწყვეტა. სხვაგვარად ჩემთვის ბატონი გახარია სამიზნეს არ წარმოადგენს.

როგორც ჩანს, მისთვის მე და ეს კოალიციური ოპოზიციური ერთობა წარმოვადგენთ სამიზნეს. თუ მას შესწევს შესაბამისი გამბედაობა, თუ მას შესწევს შესაბამისი უნარი, რომ მილიონ-ნახევრიან ქალაქში კენჭი იყაროს, დადგეს კანდიდატად. ნათქვამით კი არ შემოიფარგლოს, არამედ საქმით დაამტკიცოს და საზოგადოებაც დაარწმუნებს, რომ ის არის მართალი თავის შეფასებებში და მე ვარ მტყუანი.

ამიტომ, ვფიქრობ, ბატონ გახარიას მსგავსი განცხადებების კეთებას ურჩევნია, გაბედოს და კენჭი იყაროს. მაგრამ ძალიან მეპარება ეჭვი“, – განაცხადა ნიკა მელიამ ჟურნალილსტებთან საუბრისას.

პარტია „საქართველოსთვის“ ლიდერმა, გიორგი გახარიამ დღეს ჟურნალისტებთან საუბრისას განაცხადა: „ქართულმა ოცნებამ“, თავისი უსუსურობით, მიაღწია იმას, რომ 20 ივნისის ყველაზე ნეგატიური გმირი, რომელიც მოუწოდებდა პარლამენტის შტურმისკენ, დღეს ოფიციალურად მერობის კანდიდატად არის წარდგენილი“.

კომენტარები
იტვირთება...