ნიკა გვარამია: სააკაშვილმა მთხოვა გადმომეცა, რომ მისი ვაჟი სრულწლოვანია მასთან შეუთანხმებლად აფიქსირებს პოზიციებს

სააკაშვილმა მთხოვა გადმომეცა, რომ მისი ვაჟი სრულწლოვანია მასთან შეთანხმებლად აფიქსირებს პოზიციებს, – ამის შესახებ მიხეილ სააკაშვილის ადვოკატმა მისი მონახულების შემდეგ განაცხადა.

“საუბარი იყო მისი ვაჟის მხრიდან, რომ ვიღაცებს სურთ მისი სიკვდილი. თვითონ მიშამ მთხოვა, რომ განმარტება მიმეცა, რომ მისი ვაჟი არის სრულწლოვანი ადამიანი, მას თავისი აღქმები აქვს, თავისი პოზიციები აქვს და იგი აფიქსირებს მამასთან შეთანხმების გარეშე ცხადია ამ ყველაფერს.

თვითონ არ მიიჩნევს და ვერ ხედავს ადამიანებს, რომლებიც მისი სიკვდილის ფასად რაიმე სიკეთის მიღწევას უშვებდეს და აქ ჩამოიყვანეს იმიტომ, რომ მომკვდარიყო და ზიანი მიეყენებინათ ხელისუფლებისთვის. ეს მისი პოზიცია არ არის, თუმცა ცხადია შვილს ის არ ემიჯნება. პირიქით, ის ამბობს, რომ მიხარია რომ ინტერვიუ მისცა, მიხარია, რომ საკუთარი აზრები გადმოსცა, ეს ის ნაწილია, სადაც მე ასე არ ვხედავ.

მე ვფიქრობ, ეს ძალიან ნორმალური პოზიციაა. ერთსაც ჰქონდა ამის გამოთქმის უფლება და მეორესაც აქვს კომენტარის გაკეთების უფლება” – ამბობს ნიკა გვარამია.

კომენტარები
იტვირთება...