ნიკა გვარამია: რეალურად ვერ დგას წესიერად ფეხზე-მიხეილ სააკაშვილი ცუდად არ არის, მიხეილ სააკაშვილი ძალიან ცუდადაა

მსჯავრდებული ექსპრეზიდენტის მიხეილ სააკაშვილის ადვოკატის, ნიკა გვარამიას თქმით, საქართველოს ყოფილი პრეზიდენის ჯანმრთელობის მდგომარეობა გაუარესებულია.

“რამდენიმე დღის წინ რომ ვიყავი შესული, მიხეილ სააკაშვილი ასეთი ფერის არ იყო. ასე სუსტადაც არ იყო, რადგან ადამიანი შემოვიდა კედელ-კედელ, რეალურად ვერ დგას წესიერად ფეხზე. უკვე მგონია, რამდენად სწორია, საერთოდ რომ ჩამოჰყავთ. არ ვიცი, მე თვითონაც უხერხულად ვგრძნობ თავს, რომ ჩემ გამო უნდა ჩამოვიდეს, რა საქმეც არ უნდა იყოს. ადამიანს უბრალოდ შესაძლებლობა აღარ აქვს, რომ გადაადგილდეს. რამდენჯერმე ადგა ფეხზე და თავბრუ კი არ ეხვევა, ჩანს, რომ ქანაობს ადამიანი და ვერ იკავებს თავს. მიხეილ სააკაშვილი ცუდად არ არის, მიხეილ სააკაშვილი ძალიან ცუდად არის, ჩემი შეფასებით.

არ ვიცი, როდემდე უნდა გაგრძელდეს ეს, ვფიქრობ, უკუთვლა არის უკვე ჩართული“, – ამის შესახებ ნიკა გვარამიამ, მიხეილ სააკაშვილის №18 გლდანის ციხის საავადმყოფოში მონახულების შემდეგ განაცხადა.

კომენტარები
იტვირთება...