“ნაცმოძრაობას” თელავში მოთხოვნილ ადგილზე აქციის გამართვაზე უარი ეთქვა

თელავში პრეზიდენტის ინაუგურაციის დღეს “ნაციონალური მოძრაობას” მოთხოვნილ ადგილზე აქციის გამართვაზე უარი ეთქვა.
თელავის მერის, შოთა ნარეკლიშვილის განცხადებით, ტერიტორია, რომელიც “ნაცმოძრაობამ” აქციის გასამართად მოითხოვა ცერემონიის ზონას მოიცავს , ამიტომ მათ ალტერნატიული ფართი შესთავაზეს.
“ჩვენ განუმარტეთ წერილობით, რატომ ვერ დაკმაყოფილდებოდა მათი მოთხოვნა. ალტერნატიული ფართი შევთავაზეთ,ეს არის კოსტავას ქუჩაზე მდებარე 9 აპრილის მემორიალი. “- განაცხადა თელავის მერმა.
ცნობილისათვის, ინაუგურაციის ტერიტორიიდან 9 აპრილის მემორიალი რამდენიმე ასეულ მეტრში მდებარეობს.