“მიცუბიში” საქართველოსთან თანამშრომლობის გაღრმავებისთვის მზად არის

საქართველოს პრემიერმინისტრ ირაკლი ღარიბაშვილს კორპორაცია "მიცუბიში" მადლობას უხდის.

მადლობის წერილში, რომელიც მთავრობის მეთაურმა კორპორაციის სამეთვალყურეო საბჭოს თავმჯდომარე იორიჰიკო კოჯიმასგან მიიღო, ნათქვამია, რომ „მიცუბიში“ საქართველოსთან თანამშრომლობის გაღრმავებისთვის მზად არის.

"ჩემთვის დიდი პატივი იყო თქვენთან შეხვედრა დალიანში "ზაფხულის დავოსის" ფორუმის ფარგლებში. მადლობას მოგახსენებთ, რომ ჩემთან საუბარს დრო დაუთმეთ. ჩემთვის სასიხარულოა, რომ საქართველოში პირდაპირი უცხოური ინვესტიციების ნაკადი იზრდება. ამ პროცესს კორპორაცია „მიცუბიში“ ყურადღებით ადევნებს თვალყურს. მე უკვე მივეცი შესაბამისი მითითებები ჩვენს ხელმძღვანელობას ცენტრალურ აზიასა და კავკასიაში, ასევე პირველ ვიცე-პრეზიდენტ ჰიროში მიუოშის, რათა ისინი დაუკავშირდნენ თქვენი მთავრობის შესაბამის უწყებებს სამომავლო შესაძლებლობებსა და პერსპექტივებთან დაკავშირებით. ბატონი მიუოშის ოფისი თურქეთში არის განთავსებული. კორპორაცია “მიცუბიში” მზად არის, გააღრმავის ურთიერთობები თურქულ "ჩალიკ ჯგუფსა” და საქართველოში დაინტერსებულ მხარეებთან. ჩვენი თანამშრომლობა უფრო დაგვაახლოებს და ხელს შეუწყობს ურთიერთსასარგებლო ერთობლივ საქმიანობას”, – ნათქვამია იორიჰიკო კოჯიმას წერილში.

კორპორაცია "მიცუბიშის" სამეთვალყურეო საბჭოს თავმჯდომარეს საქართველოს პრემიერმინისტრი ირაკლი ღარიბაშვილი ჩინეთში სამუშაო ვიზიტის ფარგლებში შეხვდა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად