მირიან ნიკოლაძე: არ ვიცი, ღამის 2 საათზე ბავშვი მოკლა, წინდები დაიხადა და დატოვა?

“როგორც წესი, ექსპერტებისგან ვიცი, რომ წყალი წინდებს კი არა, შეკრულ პერანგსაც ხდის. ჯერჯერობით, ეს ივარაუდება. ასე კატეორიულად ვერ ვიტყვი”.

ამის შესახებ გარდაცვლილი  გიორგი შაქარაშვილის ბიძამ, მირიან ნიკოლაძემ ტვ “პირველის” გადაცემა “რეაქციაში” დასმული შეკითხვის საპასუხოდ განაცხადა, რატომ იყო არაგვში ნაპოვნი  ფეხშიშველი.

“ის წინდები, რაც ამოიღეს, ჯერ ერთი ევალებოდათ შემთხვევის ადგილიდან ამოეღოთ, რაც არ უნდა უმნიშვნელო იყოს და შემდეგ გაირკვევა. ვიღაცეებმა ვარაუდი გამოთქვეს, თუ ბავშვის არ იყო, ხომ შეიძლებოდა, მკვლელის ყოფილიყოვო. არ ვიცი, ღამის 2 საათზე ბავშვი მოკლა, წინდები დაიხადა და დატოვა?”-განაცხადა მირიან ნიკოლაძემ.

რაც ეხება საგანს, რითაც 19 წლის ფეხბურთელს ფიზიკური დაზიანებები მიაყენეს, მირიან ნიკოლაძემ განმარტა, რომ ეს შეიძლება ყოფილიყო ფეხიც და არა ძელი, ან სხვა.

“მეორე ეპიზოდზე პლასტმასის, ან ხის ხელჯოხები არ ფიგურირებს. ბავშვისთვის წიხლიც რომ დაერტყათ, ამ დაზიანებებს მაინც მიიღებბდა. რომც არ იყოს ამოღებული საგანი, ამ თვალსაზრისით გამოძიებას არანაირი პრობლემა არა აქვს” -განაცხადა მირიან ნიკოლაძემ.

შეგახსენებთ: საქართველოს პროკურატურამ მდინარე არაგვზე 19 წლის ფეხბურთელის, გიორგი შაქარაშვილის ცხედარის სამედიცინო ექსპერტიზის დასკვნა გამოაქვეყნა.

დასკვნის  მიხედვით, 19 წლის ფეხბურთელის სიკვდილის მიზეზად ასფიქსია წყალში დახრჩობით დაასახელა. ასევე, ექსპერტიზის დასკვნით შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული დაზიანებები.

ცნობისთვის, მდინარე არაგვზე 19 წლის ფეხბურთელის, გიორგი შაქარაშვილის ცხედარი 4 დღიანი ძებნის შემდეგ იპოვეს.  შსს-ს ოფიციალური ვერსიით, “2020 წლის 18 ივნისს საღამოს გიორგი შაქარაშვილი მცხეთის რაიონის სოფელ ნარეკვავის დასახლებაში სტუმრად იმყოფებოდა მეგობრის მიერ ნაქირავებ სახლში, სადაც ცალკეულ პირთა შორის ურთიერთშელაპარაკების ნიადაგზე სიტყვიერი და ფიზიკური დაპირისპირება მოხდა.

მოგვიანებით, დასახელებული კონფლიქტი გაგრძელდა თბილისი-სენაკი-ლესელიძის საავტომობილო გზაზე, მდინარე არაგვზე მდებარე ხიდის სიახლოვეს. რის შემდგომაც გიორგი შაქარაშვილის კვალი დაიკარგა და 4 დღიანი ინტენსიური სამაშველო სამუშაოების შედეგად მდინარის კალაპოტში აღმოჩენილ იქნა მისი ცხედარი”.

შსს-მ გამოძიება გიორგი შაქარაშვილის თავისუფლების უკანონოდ აღკვეთის ფაქტზე დაიწყო     ასევე,   მოგვიანებით პროკურატურამ გიორგი შაქარაშვილის საქმეზე ვიდეოკადრები გავრცელა

პროკურატურის დღეს გავრცელებულ განცხადებაში აღნიშნულია, რომ  სასამართლო-სამედიცინო ექსპერტიზის დასკვნისა და საქმეში არსებული სხვა მტკიცებულებების ერთობლივი ანალიზის საფუძველზე, საქართველოს გენერალურმა პროკურატურამ მიიღო გადაწყვეტილება გიორგი შაქარაშვილის გარდაცვალების საქმეზე კვალიფიკაციის დაზუსტების შესახებ. კერძოდ, სისხლის სამართლის საქმის უკვე არსებულ კვალიფიკაციას დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით.

გიორგი შაქარაშვილის გარდაცვალების საქმეზე 17 პირი დააკავეს და ჩვიდმეტივე ბრალდებულს აღკვეთის სახით პატიმრობა შეეფარდა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად