მიხეილ სააკაშვილი: ვულოცავ ყველას!

საქართველოს მესამე პრეზიდენტი და ოდესის ოლქის ყოფილი გუბერნატორი მიხეილ სააკაშვილი სასამართლოს გადაწყვეტილებით თავისუფალია და იგი ამ წუთებში სასამართლო შენობასთან შეკრებილ ხალხს სიტყვით მიმართავს და ამ გამარჯვებას ულოცავს.

"ვულოცავ ყველას! მინდა გითხრათ, რომ დღეს მოსამართლემ მიიღო გადაწყვეტილება, მან მიიღო ეს გადაწყვეტილება, რადგან გაიგონა თქვენი ხმა. მან გაიგო, რომ არსებობს სხვა მომავალი. მათ უნდოდათ სააკაშვილი ჩაეკეტათ სახლში, იმიტომ, რომ ის შეიძლებოდა უკრაინის უშიშროების სამსახურის თანამშრომლებს მოეკლათ", – აცხადებს სააკაშვილი.

ცნობისთვის, სულ ცოტა ხნის წინ კიევის სასამართლომ პროკურატურის შუამდგომლობა არ დააკმაყოფილა და მიხეილ სააკაშვილს შინაპატიმრობა არ განუსაზღვრა. მოსამართლემ აღკვეთის ყველანაირი ღონისძიებისგან გაათავისუფლა სააკაშვილი. აგრეთვე ვრცელდება ინფორმაცია იმის შესახებ, რომ პროკურატურა მიხეილ სააკაშვილის წინააღმდეგ ახალ ბრალდებას ამზადებს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად