მესტიაში სოფელ ხაიშში, ადგილობრივ მოსახლეობასთან და მეწარმეებთან შეხვედრა გაიმართა

შეხვედრაში გარემოს დაცვისა და სოფლის მეურნეობის მინისტრის მოადგილემ იური ნოზაძემ, გარემოსდაცვითი ზედამხედველობის დეპარტამენტის უფროსმა ირაკლი მუკნიაშვილმა, ეროვნული სატყეო სააგენტოს ხელმძღვანელმა თორნიკე გვაზავამ, მესტიის მერმა კაპიტონ ჟორჟოლიანმა და ადგილობრივმა მეწარმეებმა მიიღეს მონაწილეობა.

მოსახლეობამ და მეწარმეებმა მესტიის მუნიციპალიტეტში ხე-ტყის მოპოვების, გადამუშავებისა და ტრანსპორტირების დროს შექმნილი პრობლემების შესახებ ისაუბრეს.

“მნიშვნელოვანია, რომ ადგილობრივმა მოსახლეობამ მაქსიმალურად გამოიყენოს ის პოტენციალი, რა პოტენციალიც გააჩნია ამ რეგიონს, როგორც ხე-ტყის მოპოვების, ისე სოფლის მეურნეობისა და ტურიზმის განვითარების კუთხით. ჩვენ უნდა შევძლოთ ტყის რესურსების მდგრადი მართვა, ეკოსისტემისა და ბიომრავალფეროვნების დაცვა“, – განაცხადა საქართველოს გარემოს დაცვისა და სოფლის მეურნეობის მინისტრის მოადგილემ, იური ნოზაძემ. 

შეხვედრაზე, სახერხი საამქროების მფლობელებსა და მოსახლეობას "საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტების (სახერხი საამქროს) ტექნიკურ რეგლამენტში შეტანილი ცვლილებები და მათი ამოქმედების ვადები გააცნეს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად