A1 ბანერი

მარიამ ჯაში: ძალიან მნიშვნელოვანია ინკლუზიური კულტურისა და თეატრების ხელშეწყობა

განათლების, მეცნიერებისა და კულტურის, კომიტეტის თავმჯდომარემ მარიამ ჯაშმა, სამი კომიტეტის გაერთიანებულ სხდომაზე აქცენტი ინკლუზიური კულტურისა და თეატრების ხელშეწყობისა და დაფინანსების აუცილებლობაზე გააკეთა.

კომიტეტის თავმჯდომარემ, მთავრობის მიერ წარმოდგენილი ბიუჯეტის პროექტში ამ მიმართულების დაფინანსებისთვის ნახევარი მილიონი ლარის გათვალისწინება მოითხოვა.

„განსაკუთრებით გთხოვთ, გარკვეული რესურსების გათვალისწინებას ინკლუზიური კულტურის და ინკლუზიური თეატრების მიმართულებით. ჩვენ ინკლუზიური თეატრის არაერთი არაჩვეულებრივი მაგალითი გვაქვს – განსაკუთრებით მინდა გამოვყო „აზდაკის ბაღის“ თეატრი, რომელიც თავისი შინაარსით და მეთოდოლოგიით არის აბსოლუტურად უნიკალური. მე ვფიქრობ, რომ სახელმწიფომ მუნიციპალურ დონეზე უნდა შეუწყოს ამ უნიკალურ დასს ხელი. უნდა მოხდეს შეზღუდული შესაძლებლობის მქონე პირთა ჩართვა თეატრის ყოველდღიურ ცხოვრებაში.

ეს არის საკითხი, რომელსაც  აუცილებლად გადავიტანთ სამუშაო ფორმატში და გთხოვთ, გარკვეული რესურსების, სულ მცირე ნახევარი მილიონის გათვალისწინებას ბიუჯეტში. ძალიან მნიშვნელოვნად მიმაჩნია ინკლუზიური თეატრების მხარდაჭერა  ზოგადად, რომელიც მოიცავს “აზდაკის თეატრის” შესაძლო მხარდაჭერასაც“ – განაცხადა განათლების, მეცნიერებისა და კულტურის კომიტეტის თავმჯდომარემ მარიამ ჯაშმა.

მსგავსი სიახლეები
კომენტარები
იტვირთება...