„მანჩესტერ იუნაიტედმა” ლიდერობა დაიბრუნა
ინგლისის პრემიერლიგაში მორიგი ორი შეხვედრა გაიმართა
„მანჩესტერ იუნაიტედმა” პირველი წრის ბოლო შეხვედრა ფულჰემში ამავე სახელწოდების გუნდთან მოიგო.
შეხვედრის მე-5 წუთზე მასპინძლები ადემოლა ლუკმანის მიერ გატანილი გოლით დაწინაურდნენ.
21-ე წუთზე ანგარიში ურუგვაელმა კავანიმ გათანაბრა – 1:1.
გამარჯვების მომტანი გოლი მანჩესტერის ფრანგმა ნახევარმცველმა პოლ პოგბამ 65-ე წუთზე გაიტანა.
გუშინ გამართულ კიდევ ერთ, ამჯერად მე-2 წრის პირველი ტურის შეხვედრაში, ზედიზედ მეექვსედ გაიმარჯვა „მანჩესტერ სიტიმ”, მან შეხვედრის მიწურულს გატეხა „ასტონ ვილას” წინააღმდეგობა.
პირველი გოლი 79-ე წუთზე პორტუგალიელმა ბერნარდუ სილვამ გაიტანა, მეორე კი 90-ე წუთზე, პენალტიდან, გერმანელმა ილკაი გიუნდოგანმა.
„მანჩესტერ იუნაიტედი” 19 თ → 40 ქ
„მანჩესტერ სიტი” 18 თ → 38 ქ
„ლესტერ სიტი” 19 თ → 38 ქ
„ლივერპული” 18 თ → 34 ქ
„ტოტენჰემ ჰოტსპური” 18 თ → 33 ქ
„ევერტონი” 17 თ → 32 ქ
„ვეს ჰემ იუნაიტედი” 19 თ → 32 ქ
„ჩელსი” 19 თ → 29 ქ
„საუთჰემპტონი” 18 თ → 29 ქ
„არსენალი” 19 თ → 27 ქ
„ასტონ ვილა” 16 თ → 26 ქ