მამუკა ხაზრაძე: ნიკა მელიას გადაწყვეტილებას პატივს ვცემ

„ნიკა მელიას გადაწყვეტილებას მე პირადად პატივს ვცემ, ეს არის ერთადერთი ინსტრუმენტი მის ხელში, საზოგადოებას აჩვენოს, რომ ჩვენ პოლიტიკური მართლმსაჯულება გვაქვს“, – ამის შესახებ “ლელოს” ლიდერმა მამაუკა ხაზრაძემ განაცხადა.

მამუკა ხაზარაძემ ასევე ისაუბრა რიგგარეშე არჩევნებზე და განაცხადა, რომ თუ კანონმდებლობა იქნება მომზადებული და 2022-ში ჩატარდება ახალი არჩევნები, მაშინ ხვალვე შევა პარლამენტში. ეს დაასრულებს პოსტ საბჭოთა 30 წლიან მენტალობას.

“ეს ადამიანი მიდის რისკზე, შესაძლოა დაიჭირონ და ამით კიდევ ერთხელ აფხიზლებს საზოგადოებას, რომ ჩვენს ქვეყანაში ასეთი საქმეებია შეკერილი. შესაბამისად, როცა შერიგებაზე ვლაპარაკობთ, გამოსავალი არის პოლიტიკური პატიმრების და პოლიტიკური საქმეების შეწყვეტა, თუ გვინდა განვითარების კალაპოტში ჩაჯდეს ქვეყანა. თუ ეს არ მოხდება, ქვეყანაში გაგრძელდება ადამიანებით/მძევლებით „ვაჭრობა“. ნიკა მელია კანონს არღვევს თუ არა ეს მისი არჩევანია, პროტესტის ფორმა, როგორც ჩვენ არ შევდივართ პარლამენტში, არა იმიტომ, რომ პარლამენტს, როგორც ინსტიტუციას პატივს არ ვცემ – არა! მე არ მინდა შევიდე გაყალბებულ პარლამენტში, რომ მეც ამ გაყალბების ნაწილი არ გავხდე.

ჩვენ კარგად უნდა დავფიქრდეთ, რომ გზის გასაყარზე ვდგავართ. 4 წელი კიდევ გვინდა თუ არა ქვეყნის რყევაში ვიყოთ ყველა ერთად ჩართულები, შეგნებულად თუ შეუგნებლად, რადგან როცა გადაწყვეტილებას არ იღებ მაშინ გემი, უბრალოდ მიდის კაპიტნის გარეშე და რას დავეჯახებით არავინ იცის.

რა ინსტრუმენტი გამაჩნია მე? სულ ისმის ეს კითხვა, რა გააჩნია ოპოზიციას. სიმტკიცე, მოთმინება და ამ ბოიკოტის მიერ ერთიანობა. თუ ამაში საზოგადოება გვერდში დაგვიდგება და მიხვდება რომ ეს არის გამოსავალი, ყველამ ერთად, საზოგადოებამ, ამომრჩეველმა, ვაჯობოთ იმ ადამიანებს ვინც წაგვართვა ხმები. რაც ნიშნავს, რომ დავნიშნოთ რიგგარეშე არჩევნები, ახალი ხმებით რომელიც ამ ქვეყანაში დაასრულებს პოსტ საბჭოთა, 30 წლიან მენტალობას, არჩევნებთან დაკავშირებით.

ყველაფერს, რომ თავი დავანებოთ, გამარჯვებული პარტიის ლიდერი, რომლის გამოც “ოცნებამ” მიიღო ის ხმები რაც მიიღო და ის ტოვებს პარტიას, ამ დროს ყველა ნორმალურ, დემოკრატიულ ქვეყანაში ახალი არჩევნები ინიშნება. ჩვენ ყველამ კარგად ვიცით, რომ 50 პროცენტი ამომრჩეველი ლიდერს აძლევს ხმას, შემდეგ გუნდს და შემდეგ პროგრამას. წარმოიდგინეთ, ეს ადამიანი წავიდა პოლიტიკური სცენიდან, დაგვიტოვა გაყალბებული არჩევნები და გაყალბებული პარლამენტი.

გამოსავალი არის – შეცვლილი და მომზადებული კანონმდებლობა, რომ 2022-ში ჩაინიშნოს რიგგარეშე, ახალი არჩევნები. ჩვენ გამოსავლის გზებზე უნდა ვისაუბროთ”, – განაცხადა მამუკა ხაზარაძემ.

შეგახსენებთ, პარტია “ნაციონალური მოძრაობის” თავმჯდომარე ნიკა მელიას თბილისის საქალაქო სასამართლოს 2020 წლის 3 ნოემბრის განჩინებით, ბრალდებულ ნიკანორ მელიას მიმართ მანამდე გამოყენებული აღკვეთის ღონისძიება გამკაცრდა და გირაოს ოდენობა გაიზარდა 40 000 ლარით.
სასამართლომ 40 000 ლარის გადახდის ვადად 50 დღე განსაზღვრა.

2021 წლის 5 თებერვალს პროკურატურამ გაავრცელა განცხადება, რომ გირაოს პირობების შეუსრულებლობის შედეგების შესახებ გაფრთხილების მიზნით, ნიკა მელია გენერალურ პროკურატურაში დაიბარეს

ნიკა მელიას გირაოს გადახდის ვადა გუშინ ამოეწურა. თუმცა აცხადებს: გირაოს გადახდას არ ვაპირებ, მივმართავ „საქართველოს ბანკს“, თუკი მოხდება ჩემს ანგარიშზე შესაბამისი თანხის შეტანა და გირაოს გადახდა, ეს იქნება ჩემი უფლებების შელახვა

მსგავსი სიახლეები
კომენტარები
იტვირთება...