მამუკა ხაზარაძე: არგუმენტი, რომ 9 წლის წინათ ეს იყო და ა. შ. ჩემთვის აღარ მუშაობს, მინდა ვიყურო მომავალში

„დღეს მოხდა უპრეცედენტო რამ, გავრილოვის თემაზე აპატიმრებენ ოპოზიციური პარტიის ლიდერს 40 000 ლარის გამო, როცა ამ შენობაში ბიუჯეტიდან მილიონებს იპარავენ და ამას უბრალოდ შეცდომას ეძახიან. მინდა, გითხრათ, რომ ჩვენ გვიან გამოვფხიზლდით, მაგრამ თუ გამოვფხიზლდით, ერთი ნაბიჯით არ იქნება უკან დახევა, რადგან შეიძლება, საბჭოთა კავშირში გავიღვიძოთ. მინდა, მივმართო „ოცნების“ მხარდამჭერებს, ნუ მიყვებით ინერციას, არგუმენტი, რომ 9 წლის წინათ ეს იყო და ასე შემდეგ, ჩემთვის აღარ მუშაობს, მე მინდა ვიყურო მომავალში, მინდა, ჩემ, თქვენს შვილებთან ერთად ახალი და ძლიერი საქართველო ავაშენო.”

ამის შესახებ „ლელოს“ ლიდერმა მამუკა ხაზარაძემ მთავრობის ადმინისტრაციასთან, ნიკა მელიას დაკავებასთან დაკავშირებით მიმდინარე საპროტესტო აქციაზე განაცხადა.

“გადახედეთ, რა ხდება ქვეყანაში, ლუკმა-პურის საშოველად, ჩვენი თანამემამულეები, დღეში თითქმის 50 000 რიგში დგას, რომ ქვეყანა დატოვოს, ის ქვეყანა, რომლის მსგავსი მსოფლიოში არ მოიძებნება რესურსებით, ინტელექტუალური ძალით, ადამიანები. რა დაგვემართა? დაგვემართა ის, რომ გადავყევით „ფეისბუქზე“ კლავიატურებით რაღაცების აკრეფას, ტელევიზორით ყურებას და ველოდებით, რომ კდევ ვიღაცა მოვა და ის დაალაგებს სიტუაციას,დემოკრატიული სისტემა ნიშნავს, რომ თითოეული თქვენგანი უნდა იყოს ამ ქვეყნის პატრონი, იქნება ეს ქუჩა, უბანი, სოფელი, თუ ქალაქი.

ამიტომ, ეს მოძრაობა უნდა მივიყვანოთ ბოლომდე, გამარჯვებამდე, დღეს ჩვენთან არის მთელი დემოკრატიული, თავისუფალი მსოფლიოს ყველა ცივილური ადამიანი. ჩვენ უნდა ვილაპარაკოთ ხვალინდელ დღეზე. მოვუწოდებ ხელისფლებას, სასწრაფოდ გამოუშვან პოლიტიკური პატიმრები, დანიშნონ რიგგარეშე არჩევნები და, დაე, ქართველმა ხალხმა გააკეთოს არჩევანი, ეს არის ერთადერთი სწორი გამოსავალი ამ კრიზისიდან. თუ ამას დროზე არ მივაღწიეთ, ქვეყანაში ტანკები მონაგონი იქნება, ჩვენ მარტო 20 პროცენტი კიარ გვექნება ოკუპირებული, მენტალურად გვექნება დაკარგული საქართველო“, – განაცხადა მამუკა ხაზარაძემ.

მსგავსი სიახლეები
კომენტარები
იტვირთება...