მაიკროსოფტის პროგრამა Teams-ში ქართული ელექტრონული საგანმანათლებლო რესურსების პლატფორმა el.ge ინტეგრირდა

საქართველოს განათლების მართვის საინფორმაციო სისტემის კიდევ ერთი წარმატებული თანამშრომლობა მაიკროსოფტთან.

კორპორაციასთან პარტნიორობით, პირველად, ქართული ონლაინ პროდუქტი el.ge მაიკროსოფტის პროგრამა Teams-ში ინტეგრირდა.  პროგრამა Teams-ში el.ge-ის პლატფორმის დამატებით, მთელი საქართველოს მასშტაბით, ყველა მომხმარებელს მიეცა შესაძლებლობა ერთ სივრცეში ჰქონდეს წვდომა მისთვის საჭირო 22 ათასზე მეტ საგანმანათლებლო-ელექტრონულ რესურსთან.

ერთიანი საგანმანათლებლო ელექტრონული პორტალი el.ge 2018 წელს შეიქმნა, სადაც განთავსებულია სხვადასხვა ორგანიზაციის მიერ მომზადებული და შექმნილი ელექტრონული საგანმანათლებლო და შემეცნებითი რესურსები.

ვებ-გვერდზე ატვირთულია ელექტრონული წიგნები, თემატური ვიდეოები, ნოტები, სტატიები, ფოტო და აუდიო მასალები. გამოყოფილია სივრცე ბლოგის, ვებინარების და სხვადასხვა მიმართულების პროექტებისთვის, რაც ეხმარება სწავლების პროცესში მოსწავლეებსა და მასწავლებლებს ჰქონდეთ საჭირო მასალებთან შეუფერხებელი წვდომა.

კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად