ლამი-მისაქციელის სარწყავი სისტემის რეაბილიტაცია 2015 წლის აპრილში დასრულდება

სოფლის მეურნეობის სამინისტრო და საქართველოს გაერთიანებული სამელიორაციო სისტემების კომპანია ახორციელებს ლამი-მისაქციელის სარწყავი სისტემის რეაბილიტაციას.

მიმდინარეობს ლამი მისაქციელის სარწყავი სისტემის მაგისტრალური არხისა და შტო N1 ის, I და სხვა რიგის გამანაწილებლების რეაბილიტაცია. მაგისტრალური არხის და შტო N1 დამატებითი კვების მოწყობის სამუშაოები (მდ. ნარეკვავიდან).

პროექტის ფარგლებში, მაგისტრალური არხი გაიწმინდება ნატანისაგან, დეფორმირებული, დაზიანებული ფილები შეიცვლება ახალი რკ/ბეტონის ფილებით, შტო-1 გაიწმინდება ნატანისაგან, ფერდები და ძირი შეივსება ბეტონით და მოეწყობა ტორკრეტი, მოეწყობა წყალგამშვები ჭები. ჩატარებული სარეაბილიტაციო სამუშაოების შედეგად მცხეთის მუნიციპალიტეტის 8 სოფლის (წილკანი, ახალუბანი, წეროვანი, ერედა, ძალისი, მუხრანი, ქანდა, მისაქციელი (ნაწილი) 2200 ჰექტარი სასოფლო-სამეურნეო მიწის ფართობი იქნება წყალუზრუნველყოფილი.

აღნიშნული ფართობით 2750 კომლი ისარგებლებს. სარეაბილიტაციო სამუშაოები კომპანიამ 2014 წლის დეკემბერში დაიწყო და მიმდინარე წელს, აპრილში დასრულდება. პროექტის ღირებულებაა 3 224 999 ლარი. საქართველოს გაერთიანებული სამელიორაციო სისტემების კომპანია მცხეთა-მთიანეთის რეგიონში 2, ხოლო მთელი საქართველოს მასშტაბით, 36 ხვადასხვა ობიექტზე ახორციელებს სარეაბილიტაციოსამუშაოებს. სარწყავი და დამშრობი სისტემების რეაბილიტაციის განხორციელება საშუალებას მისცემს ფერმერებს გაზარდონ სასოფლო-სამეურნეო პროდუქციის წარმოება 40-50%-ით, შეიქმნება მოსავლის სტაბილურად მიღების შესაძლებლობა, მინიმუმამდე იქნება დაყვანილი ბუნებრივ-კლიმატური პირობებით გამოწვეული უარყოფითი პროცესების გავლენა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად