კორპუსის აფეთქების დროს დაშავებულ ერთერთ პაციენტს სხეულის 60% აქვს დამწვარი

დამწვრობის ცენტრის ექიმის გიორგი დავლიანიძის განცხადებით, თბილისში გურამიშვილის გამზირზე კორპუსის აფეთქების დროს დაშავებულ ერთ-ერთ პაციენტს სხეულის 60% აქვს დამწვარი.

ექიმის ინფორმაციით, 39 წლის მამაკაცის სასუნთქი გზების დამწვრობა აქვს და მისი მძდგომარეობა უმძიმესია.

„აღნიშნული პაციენტი შემოიყვანეს დილის ცხრა საათზე. დამწვრობა მიღებული აქვს ცეცხლის ალით, სავარაუდოდ, შეიძლება მოხდა აფეთქება, ზუსტად ჩვენ არ ვიცით. მდგომარეობა არის უმძიმესი. იმყოფება დამწვრობითი შოკის მდგომარეობაში. მიმდინარეობს ძლიერი ანტიშოკური თერაპია. მდგომარეობა უმძიმესია, ჯერ რაიმე პროგნოზების გაკეთებაზე ლაპარაკი ადრეა. პაციენტს, 39 წლის მამაკაცს დამწვარი აქვს სხეულის 60 პროცენტი. ჭრილობები უბნობრივად არის სხვადასხვა ადგილას გაფანტული, ასევე აქვს სასუნთქი გზების დამწვრობა“, – განაცხადა ექიმმა.

პირველადი ინფორმაციით, 16-სართულიან საცხოვრებელ კორპუსში აფეთქება გაზის დაგროვებამ გამოიწვია. მომხდარის შედეგად, მეოთხე სართული დაინგრა და მოპირდაპირედ მდგარ კორპუსში ფანჯრის მინები ჩაიმსხვრა.

ადგილზე მისვლისთანავე, მეხანძრე-მაშველებმა კორპუსიდან მოსახლეობის სრული ევაკუაცია განახორციელეს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად