კობერიძე: ბოლო სერიაში ალბათ, მთავრობის ეს წევრები რჩებიან მარტო, სადღაც უკაცრიელ კუნძულზე

ამის შესახებ საპარლამენტო ფრაქცია “დამოუკიდებელი დეპუტატების” წევრმა ლევან კობერიძემ ჟურნალისტებთან განაცხადა, რითაც მოსალოდნელ სამთავრობო ცვლილებებზე გავრცელებულ ინფორმაციას გამოეხმაურა და განმარტა, რომ თუ ასეთი ცვლილებები იქნება.

“არანაირი მნიშვნელობა არ აქვს სამთავრობო ცვლილებებს. შეკითხვა უნდა დავსვათ, მოაქვს თუ არა მოქალაქეებისთვის უკეთესობა სამთავრობო ცვლილებებს? მამუკა ბახტაძე რომ შეცვალა გახარიამ, ამან რა სიკეთე მოუტანა მოქალაქეებს?- არც არანაირი! უარესობისკენ წავიდა პირიქით საქმე.

ახლა თუ გახარიას ბიძინა ივანიშვილი ამ სხვა ნებისმიერი შეცვლის, რა შეიცვლება ამით მოქალაქეებისთვის? -არაფერი! ნებისმიერი ასეთი გადაადგილება წინასაარჩევნოდ, იქნება უბრალოდ მცდელობა, რომ ცოტა უკეთ გამოიყურებოდნენ არჩევნების წინ.

თუმცა, ბიძინა ივანიშვილის მობრუნება ამას ხელს შეუწყობს, თუ უარესი იქნება მათი რეიტინგისთვის, ეს არც თუ ისე ცალსახაა და არ გამოვრიცხავ პირუკუ შედეგი გამოიღოს,”- განაცხადა ლევან კობერიძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად