ხუციშვილი: მხარს ვუჭერ პროპორციულ სისტემაზე გადასვლას, გუნდი გადაწყვეტილებას ვერ შეცვლის

“მართველი გუნდისთვის არ იქნება კარგი, როცა გუნდის წევრები არ მიცემენ მხარს და ოპოზიცია მისცემს ხმას პროპორციულ სისტემაზე გადასვლას“,- ამის შესახებ საპარლამენტო უმრავლესობის წევრმა ზაზა ხუციშვილმა საპარალმენტო უმრავლესობის შეხვედრის დაწყებამდე ჟურნალისტებთან განაცხადა.

„მე პირადად მხარს ვუჭერ პროპორციულ სისტემაზე გადასვლას. პროპორციულ სისტემაზე გადასვლას ჯერ კიდევ კონსტიტუციური ცვლილებების დროს ვუჭერდი მხარს. მიუხედავად იმისა რომ გარკვეულ რისკებს ამ სისტემაში ვხედავდი. იდეალური სიტემები არ არსებობს. ასეთი რომ იყოს მაშინ ევროკავშირის ყველა ქვეყანა იქნებოდა ერთ სისტემაზე. ასეთ პირობებში დარჩენასაც ვხედავდთ რომ ქვეყანაში სტაბილურობის განცდა შეიძლება საკმაოდ შერყეული იყოს.

მე ვფიქრობ რომ ეს პროექტი გავა. ოპოზიცია მხარს უჭერს თუმცა, მართველი გუნდისთვის არ იქნება კარგი, როცა გუნდის წევრები არ მიცემენ მხარს და ოპოზიცია მისცემს ხმას. გუნდი გადაწყვეტილებას ვერ შცვლის. წარმოუდგენლად მიმაჩნია. ძალიან დიდი ალბათობით მიღებული იქნება გადაწყვეტილება პროპორციულ სისტემაზე გადასვლასთან დაკავშირებით “,-ამბობს ხუციშვილი.

ცნობისთვის, პროპორციულ საარჩევნო სისტემაზე გადასვლის საკონსტიტუციო ცვლილებების განხილვა პარლამენტში დღეს გაგრძელდება.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად