ხუნდაძე: რეკომენდაციების შეუსრულებლობით ცეცხლს ვეთამაშებით. დავიცვათ საკუთარი ჯანმრთელობა და გავუფრთხილდეთ სხვისასაც

პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, ქვეყანა უკვე კრიზისულ ფაზაში შესასვლელად ემზადება და მოქალაქეებს რეკომენდაციების აუცილებლად დაცვისკენ მოუწოდებს. 

“შეინიშნება რაიონებში, მრავალ ბინიან კორპუსებში, ეზოებში სიმჭიდროვე მოქალაქეების და ასევე ე.წ. სოფლის ბირჟებზე. მე მინდა მოქალაქეებს მოვუწოდო, რომ რეკომენდაციების შეუსრულებლობით ცეცხლს ვეთამაშებით. დავიცავთ საკუთარი ჯანმრთელობა და გავუფრთხილდეთ სხვისასაც. შესაძლოა ჩვენ ვინმესთვის აღმოვჩნდეთ მსხვერპლის საბაბი და ასევე, საკუთარი თავი ჩავაგდოთ ხიფათის ქვეშ. ამიტომ, დავიცავთ რეკომენდაციები, სიმჭიდროვეს მოვერიდოთ, რომ არ შევუწყოთ ხელი ინფექციის გავრცელებას. ჩვენ ახლა მნიშვნელოვან ფაზაში შევდივართ, გვჭირდება უფრო მაღალი ხარისხის შესრულება რეკომენდაციების,” – განაცხადა დიმიტრი ხუნდაძემ საკოორდინაციო საბჭოს სხდომის დაწყებამდე.

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად