ხელვაჩაურის სოფლებში სტიქიისგან დაზარალებული მოსახლეობა დახმარებას ითხოვს

გუშინ მოსული უხვი ნალექის შედეგად ხელვაჩაურში, სოფელ ვარშალომიძეებში მეწყერი განვითარდა. ჩამოშლილმა მიწის მასამ საცხოვრებელი სახლი და ორი ავტომობილი დააზიანა.

მსგავსი ვითარება ხელვაჩაურის კიდევ რამდენიმე სოფელშია. დაზიანებულია ავტომობილები და საავტომობილო გზა. მოქალაქეები გზების გაწმენდას საკუთარი ძალებით ცდილობენ.
ადგილობრივები ხელვაჩაურის

მერიას თხოვნით მიმართავენ დროულად მოხდეს რეაგირება, ზარალის დათვლა და დაზარალებული ოჯახების დახმარება.
სოფელ ახალშენისა და ქვედა ჯოჭოს მოსახლეობის ნაწილს ელექტროენერგია ამ დრომდე არ მიეწოდება. გუშინ განვითარებულმა მეწყრულმა პროცესებმა სოფლებში ელექტროსადენები მთლიანად წაიღო.
აღდგენითი სამუშაოები ამ წუთებშიც ინტენსიურად მიმდინარეობს, მობილიზებულია სპეც-ტექნიკა და მასალები, რომ მოხდეს ქსელის გამართვა და აბონენტებისთვის ელექტროენერგიის მიწოდების აღდგენა.

რაც შეეხება მუნიციპალიტეტში შემავალ სხვა სოფლებს. ამ დროისათვის, ხელვაჩაურის დიდ ნაწილს ელექტროენერგია შეუფერხებლად მიეწოდება. სტიქიის გამო დაზიანებული ქსელის დიდი ნაწილი, დილით უკვე აღდგენილი იყო.
ღამით აჭარაში, ხელვაჩაურის რაიონში ძლიერმა წვიმამ დააზიანა მაღალი და დაბალი ძაბვის ელექტროენერგიის გადამცემი ხაზები. მოვარდნილმა მეწყერმა წაიღო ბოძების ნაწილი.
„ენერგო-პრო ჯორჯია“-ს ტექნიკურმა ბრიგადებმა ღამითვე დაიწყეს აღდგენითი სამუშაოები.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად