კახა კალაძე: ნიკა მელია არის ჩვეულებრივი კრიმინალი და ირგვლივ შემოკრებილი ჰყავდა ე.წ კრიმინალური ავტორიტეტები

ასე უპასუხა პარტია “ქართული ოცნება – დემოკრატიული საქართველოს” გენერალურმა მდივანმა კახა კალაძემ, „ნაციონალური მოძრაობის“ გლდანის მაჟორიტარობის კანდიდატის ნიკა მელიას განაცხადებას, რომელის მიხედვით ერთ-ერთ საარჩევნო უბანზე კახა კალაძის მეგობარი დავით კვიჟინაძე იარაღით მივიდა.

“გვინდა, გამოვეხმაუროთ რადიკალური ოპოზიციის დესტრუქციულ ქმედებებს, რომელთა მიზანი არჩევნებისთვის ჩრდილის მიყენებაა. ამ გეგმის შესახებ ჩვენ გვქონდა მათი ე.წ. რევოლუციური შტაბიდან გამოჟონილი ინფორმაცია, რაც დადასტურდა კიდეც.

დღეს ამ შტაბის წევრები პისტოლეტებით შეიარაღებულები დარბიან საარჩევნო უბნებზე და ყველას გვახსენებენ იმ მძიმე საარჩევნო პრაქტიკას, რომელიც მათი ხელისუფლებაში ყოფნის პირობებში იყო ჩამოყალიბებული.
ჩვენ გავაფრთხილეთ საზოგადოება, მედია და საერთაშორისო პარტნიორები იმის შესახებ, რომ რადიკალური ოპოზიცია არჩევნების დღის 4 საათიდან გეგმავდა მძიმე პროვოკაციების მოწყობას.
ჩვენ, ასევე, გავაფრთხილეთ ყველა იმის შესახებ, რომ პროვოკაციების ეპიცენტრად განიხილებოდა რამდენიმე მუნიციპალიტეტი და რაიონი – მათ შორის ბოლნისი, დმანისი, მარნეული და გლდანი. თუ დააკვირდებით, მათი ზონდერების კონცენტრაცია და პროვოკაციები ძირითადად სწორედ ამ რაიონებში ფიქსირდება.

ზემოხსენებული გეგმის შესაბამისად, ინციდენტი დაფიქსირდა გლდანში, სადაც ეგრეთწოდებულმა კრიმინალურმა ავტორიტეტმა, მეტსახელად „ჭყიპინამ“, მისი სახელი და გვარი, თუ არ ვცდები ირაკლი ეძგვერაძეა, მძიმე პროვოკაცია მოაწყო.
ყველას შევახსენებ, რომ არჩევნები ერთი დღე გრძელდება. დღეს საღამოს დაფიქსირდება „ქართული ოცნება-დემოკრატიული საქართველოს“ შთამბეჭდავი გამარჯვება და ჩვენი პარტია მიიღებს დაახლოებით 100 მანდატს საქართველოს პარლამენტში. ამის თქმის უფლებას მაძლევს ის აქტივობა და მხარდაჭერა, რაც დღეს ფიქსირდება საარჩევნო უბნებზე.

მინდა, კიდევ ერთხელ მივმართო ყველას, ვინც ადგენდა და ახორციელებდა დესტრუქციულ გეგმებს, მთელი სიმკაცრით აგებს პასუხს კანონის წინაშე. ზონდერებისა და დივერსანტების დრო ქართულ პოლიტიკაში აღარ არის.
გვინდა მოვუწოდოთ სამართალდამცავ ორგანოებს განსაკუთრებული ყურადღებისკენ, რათა იმთავითვე აღიკვეთოს კანონის დარღვევისა და ძალადობის ნებისმიერი მცდელობა”, – განაცხადა კახა კალაძემ

ოცნების” გენერალური მდივანის განცხადებით ნიკა მელიას დღეს გაკეთებული განცხადება ტუილია.

“ეს არის ძალიან დიდი ტყუილი. ნიკა მელია არის ჩვეულებრივი კრიმინალი და ირგვლივ შემოკრებილი ჰყავდა ე.წ კრიმინალური ავტორიტეტები. დაგისახელეთ სახელი, გვარი, მეტსახელად „ჭყიპინა“. არაერთი ვიდეო იქნა გავრცელებული, როგორ აშინებდა ეს ადამიანი მთელი დღის განმავლობაში ამომრჩეველს და პროვოკაცია, რომელიც მოხდა, რა თქმა უნდა, ამაზე პასუხისმგებლობა ეკისრებათ ამ კრიმინალებს“, – განაცხადა კახა კალაძემ

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად