A1 ბანერი

კაკაბაძე: სახელმწიფო ებრძვის ორ შვილმკვდარ მამას,მათ არ აძლევენ პროტესტის გამოხატვის საშუალებას

“სახელმწიფომ, პრაქტიკულად, ბრძოლა გამოუცხადა ამ ორ შვილმკვდარ მამას, რომელსაც არ აძლევს იმის საშუალებას, რომ საკუთარი პროტესტი გამოხატონ”,-განაცხადა საქართველოს საზოგადოებრივი მაუწყებლის სამეურვეო საბჭოს წევრმა, ნინია კაკაბაძემ, პარლამენტის წინ მიმდინარე აქციაზე მომხდარი დაპირისპირების შეფასებისას.

“როდესაც მე მოვედი ეს ექსესი დამთავრებული იყო ვერ შევესწარი და პირადად ჩემი თვალით ვერ ვნახე,რაც მოხდა ეს არის გაუგანოარი რამ. სახელმწიფომ, პრაქტიკულად, ბრძოლა გამოუცხადა ამ ორ შვილმკვდარ მამას, რომელსაც არ აძლევს იმის საშუალებას, რომ საკუთარი პროტესტი გამოხატონ. მე ამ ხელისუფლებას და სახელმწიფოს შევახსენებ, რომ ყველაფერი, რასაც ისინი დღეს აპროტესტებენ და უპირისპირდებიან, ამ 9 წელს, რომელიც მათი დისკურსის მთავარი თემა არის, შევახსენებ, რომ 26 მაისიც, მაგალითად, დაშალეს მიტინგი სწორედ ამ მოტივით, რომ მეორე დღეს აღლუმი უნდა გამართულიყო რუსთაველის პროსპექტზე.

შესაძლებელია, 26 მაისის აღლუმი უფრო მნიშვნელოვანი საკითხი არის, მითუმეტეს ერთი დღით, როდესაც ეს ტარდება, ვიდრე საახალწლო ნაძვის ხე,რომელიც ქალაქის ნებისიერ ადგილას შეიძლება დადგა და არ არის აუცილებელი,შეიძლება 1 წელი ისე გავიაროთ ,რომ არ იდგეს ის უზარმაზარი ნაძვისხე,რომელიც ყოველწლიურად დგას აქ. ეს არის არნახული ცინიზმი სახელმწიფო სასტიკად ექცევა ამ ადამიანებს “,-განაცხადა ნინია კაკაბაძემ.

ცნობისთვის,რუსთაველის გამზირზე აქციის მონაწილეებს კარვის გაშლის საშუალებას არ აძლევდნენ

მსგავსი სიახლეები
კომენტარები
იტვირთება...