JPMorgan-ი საკუთარი კრიპტოვალუტის შექმნას აპირებს

ამერიკული ბანკი JPMorgan საკუთარი კრიპტოვალუტის შექმნას აპირებს, რომელთა მეშვეობითაც მისი კლიენტები სხვადასხვა ოპერაციებს განახორციელებენ.

კრიპტოვალუტამ სახელწოდება JPM Coin მიიღო. ერთი მონეტის ღირებულება ერთი აშშ დოლარი იქნება. JPMorgan-ში აცხადებენ, რომ ეს არის პირველი ამერიკული ბანკი, რომელმაც შექმნა და წარმატებით დატესტა საკუთარი კრიპტოვალუტა.

ბანკში განმარტავენ, რომ JPM Coin-ის შექმნა აუცილებელია ბლოკჩეინის ტექნოლოგიის გამოყენებისათვის, რომლის მეშვეობითაც ერთი ანგარიშიდან მეორეზე გადარიცხვა უფრო სწრაფად არის შესაძლებელი.

როგორც ბანკში აღნიშნავენ, კრიპტოვალუტის დანიშნულება b2b-ის სეგმენტში ოპერაციების განხორციელებაა. 2017 წელს, JPMorgan-ის მთავარმა აღმასრულებელმა დირექტორმა ჯეიმი დალმონმა ბიტკოინებით ვაჭრობას თაღლითობა უწოდა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად