A1 ბანერი

ჯორჯ ბუშ უფროსის პანაშვიდზე მისი ძაღლი სხვებთან ერთად გლოვობს (ვიდეო)

აშშ-ის 41-ე პრეზიდენტის ჯორჯ ბუშ უფროსის პანაშვიდზე, მისი ძაღლი, ლაბრადორი სალი სხვებთან ერთად გლოვობს. ვიდეოს ტელეარხი CNN-ი ავრცელებს.

შეერთებული შტატების 41-ე პრეზიდენტის გამოსამშვიდობებელი ცერემონიალი ჰიუსტონში გაიმართა.

ჯორჯ ბუშ უფროსს დღეს ტეხასში, საპრეზიდენტო ბიბლიოთეკის ტერიტორიაზე, მეუღლისა და ქალიშვილის გვერდით, დაკრძალავენ.

1 დეკემბერს, აშშ-ის ყოფილი პრეზიდენტი ჯორჯ ბუშ უფროსი 94 წლის ასაკში გარდაიცვალა. მიმდინარე წლის აპრილში გარდაიცვალა მისი მეუღლე ბარბარა პირს ბუში, რომელთან ერთადაც ბუშმა 73 წელი იცხოვრა. მათ 5 შვილი, 17 შვილიშვილი და 7 შვილთაშვილი ჰყავდათ.

ბუშ უფროსი აშშ-ის პრეზიდენტი ერთი საპრეზიდენტო ვადის განმავლობაში იყო, 1993 წელს იგი არჩევნებში დემოკრატ ბილ კლინტონთან დამარცხდა.

ჯორჯ ბუშ უფროსი მეორე მსოფლიო ომში იბრძოდა, იგი მფრინავი იყო და ერთ-ერთი ოპერაციისას ჩამოაგდეს მისი თვითმფრინავი, თუმცა მისი გადარჩენა მოხერხდა, მთელი ეკიპაჟიდან მხოლოდ ის გადარჩა. ომიდან დაბრუნების ერთი კვირის თავზე კი იგი ბარბარა პირსზე დაქორწინდა და იელის უნივერსიტეტში ჩააბარა.

 

სტატიის ავტორი თაკო ჩხაიძე
მსგავსი სიახლეები
კომენტარები
იტვირთება...