იტალიაში, განვლილ 24 საათში, კორონავირუსით 153 კაცი გარდაიცვალა და 875 დაინფიცირდა

პორტალი repubblica განვლილი 24 საათის კორონავირუსთან დაკავშირებულ სტატისტიკურ მონაცემებს აქვეყნებს

განვლილ 24 საათში იტალიაში კორონავირუსით ინფიცირების 875 შემთხვევა დაფიქსირდა, წინა დღესთან შედარებით 86–ით მეტი.

სულ, პანდემიის დაწყებიდან დღემდე, იტალიაში ოფიციალურად დადასტურდა ინფიცირების 224760 შემთხვევა.

განვლილ 24 საათში იტალიაში კორონავირუსით 153 კაცი გარდაიცვალა, 89-ით ნაკლები, ვიდრე წინა დღეს.

კორონავირუსით გარდაცვალების უფრო ნაკლები შემთხვევაიტალიაში ბოლოს 9 მარტს იყო.

სულ, პანდემიის დაწყებიდან დღემდე, იტალიაში კორონავირუსით გარდაიცვალა 31763 კაცი.

ჰოსპიტალიზირებულთა რაოდენობა გუშინდელთან შედარებით 392-ით შემცირდა, 10792-დან 10400-მდე. ინტენსიური თერაპიის განყოფილებაში მყოფი პაციენტების რაოდენობა შემცირებულია 33-ით, 808-დან 775-მდე.

განკურნებულთა ოდენობა 2605-ით გაიზარდა, 120205-დან 122810-მდე, რაც ინფიცირებულთა მთლიანი რაოდენობის 54,64%-ია.

18 მაისიდან იტალიაში მაღაზიათა დიდი ნაწილის და ბარების და რესტორნების გახსნაა ნავარაუდევი

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად