ისრაელში, გასულ 24 საათში, COVID19-ით ინფიცირების რეკორდული მაჩვენებელი დაფიქსირდა

გამოქვეყნებული ოფიციალური მონაცემებით თუ ვიმსჯელებთ, საერთო ჯამში, პანდემიის დაწყების დღიდან, ქვეყანაში 214 458 ინფიცირებული ადამიანია გამოვლენილი (დღეში +8126, რაც რეკორდულია). კორონავირუსიდან გამოჯანმრთელებულია 152,294 (+4219), ხოლო გარდაიცვალა 1378 (+61).

გასული დღის განმავლობაში ჩატარდა 60,524 ტესტი (დადებითი იყო შემთხვევათა 13%-ზე მეტი, რაც ეპიდემიის მთელი პერიოდისთვის რეკორდული მაჩვენებელია).

კორონავირუსით ინფიცირებულთა უმეტესობა ამჟამად შემდეგ ქალაქებშია: იერუსალიმი (6413), ბნეი ბრაკი (3450), აშდოდი (2470), თელ-ავივ-ჯაფა (1894), ნეთანია (1596), პეტახ ტიკვა (1553), ლუდი- შევა (1489), მოდინი ილიტი (1472), ჰოლონი (1320), ჰაიფა (1301), რიშონ ლეზიონი (1257), აშკელონი (1049), ელადი (1036).

ინფიცირებულთა 77% -ზე მეტი 50 წლამდე ასაკისაა.

COVID-19-ის შედეგად სიკვდილიანობა ისრაელში ერთ-ერთი ყველაზე დაბალია მსოფლიოში (იმ ქვეყნებს შორის, სადაც ინფიცირებულთა რაოდენობა 100 ათასზე მეტია) – 0.7%.