ISFED: ხმების პარალელური დათვლის დაზუსტებული შედეგებით “ოცნებას” 47.6% აქვს

ხმების პარალელური დათვლის დაზუსტებული შედეგებით “ოცნებას” 47.6% აქვს, – ამის შესახებ აღნიშნულია არასამთავრობო ორგანიზაცია “სამართლიანი არჩევნებისა და დემოკარტიის საერთაშორისო საზოგადოების (ISFED) განცხადებაში.

თავდაპირველი მონაცემებით, პარალელური დათვლით მმართველ პარტიას 45.8% ჰქონდა.

ISFED-ის განცხადებას “აიპრესი” უცვლელად გთავაზობთ:

საზოგადოების მაღალი ინტერესიდან გამომდინარე, გაცნობებთ, რომ სამართლიანი არჩევნებისა და დემოკრატიის საერთაშორისო საზოგადოებამ 2020 წლის 31 ოქტომბრის საპარლამენტო არჩევნების შემდეგ ხმების პარალელური დათვლის (PVT) პირველადი, შიდა აუდიტი განახორციელა. შიდა აუდიტი PVT-ის სტანდარტული პროცედურაა და ოთხ ეტაპს მოიცავს: 1. დამკვირვებლების მიერ გამოგზავნილი მონაცემების აუდიტი; 2. საოლქო საარჩევნო კომისიების მიერ შედგენილი შესწორების ოქმების გადამოწმება; 3. ცდომილების ხარისხის გამოთვლის სისწორის აუდიტი; 4. არჩევნების დღის პროცესთან დაკავშირებული მონაცემების გადამოწმება.

შიდა აუდიტის შედეგებმა დაადასტურა PVT მეთოდოლოგის სიზუსტე და დამკვირვებლების მიერ მოწოდებული ინფორმაციის სანდოობა. თუმცა, გამოვლინდა ხარვეზი საარჩევნო სუბიექტების მიერ მიღებული ხმების გამოსათვლელ ფორმულაში. კერძოდ, საარჩევნო სუბიექტების მიერ მიღებულ ხმებთან ერთად, დათვლილ იქნა ბათილი ბიულეტენებიც, რისი გასწორების შედეგადაც საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა. აღნიშნული სხვაობა გავლენას არ ახდენს არცერთი საარჩევნო სუბიექტის მიერ მიღებული მანდატების რაოდენობაზე. 

ორგანიზაციის მაღალი პასუხისმგებლობიდან გამომდინარე მიმდინარეობს ხარვეზის გამომწევევი მიზეზების მოკვლევა, რომელშიც ასევე ჩართულია “სამართლიანი არჩევნების” გამგეობა.

ამასთანავე, შეგახსენებთ, რომ „სამართლიანი არჩევნები“ ახორციელებდა კომპლექსურ დაკვირვებას მთელ საარჩევნო პროცესზე.  მონიტორინგის შედეგად ორგანიზაცია 2020 წლის საპარლამენტო არჩევნებს მიიჩნევს ბოლო წლების განმავლობაში ყველაზე დაბალი სტანდარტით ჩატარებულ არჩევნებად, რაც, მათ შორის, გამოიხატა საარჩევნო უბნების ოქმების 8%-ში აღმოჩენილ დისბალანსში.

„სამართლიანი არჩევნები“ წარმოგიდგენთ 2020 წლის 31 ოქტომბრის არჩევნების დღის საბოლოო შედეგების დაზუსტებულ ინფორმაციას.

 

ხმების პარალელური დათვლის დაზუსტებული შედეგები

 

საარჩევნო სუბიექტი გამოთვლილი პროცენტი ცდომილების ხარისხი მინიმალური შედეგი მაქსიმალური შედეგი
#41 ქართული ოცნება – დემოკრატიული საქართველო
47.6% 0.7% 46.9% 48.3%
#5 ბლოკი – ერთიანი ნაციონალური მოძრაობა – გაერთიანებული ოპოზიცია – ძალა ერთობაშია
27.4% 0.6% 26.8% 28.0%
#2 ბაქრაძე, უგულავა, ბოკერია-ევროპული საქართველო-მოძრაობა თავისუფლებისათვის
3.8% 0.2% 3.6% 4.0%
#8 დავით თარხან მოურავი, ირმა ინაშვილი – პატრიოტთა ალიანსი
3.2% 0.1% 3.1% 3.3%
#56 ლელო – მამუკა ხაზარაძე
3.2% 0.2% 3.0% 3.4%
#27 ბლოკი – გიორგი ვაშაძე – სტრატეგია აღმაშენებელი
3.1% 0.1% 3.0% 3.2%
#36 გირჩი
3.0% 0.2% 2.8% 3.2%
#24 ალეკო ელისაშვილი – მოქალაეები
1.3% 0.1% 1.2% 1.4%
#10 შალვა ნათელაშვილი-საქართველოს ლეიბორისტული პარტია
1.0% 0.1% 0.9% 1.1%
 #3 ნინო ბურჯანძე – ერთიანი საქართველო – დემოკრატიული მოძრაობა  0.9% 0.1% 0.8% 1.0%

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად