IRI: გამოკითხულთა 86% ქართულ ჯარს ენდობა – 85% ეკლესიას

საერთაშორისო რესპუბლიკური ინსტიტუტის (IRI) მიმდინარე წლის 11 სექტემბრიდან 14 ოქტომბრამდე ჩატარებული საქართველოს 18 წლის და ზემოთ ასაკის 1500 მოქალაქის გამოკითხვის შედეგებს აქვეყნებს.

კითხვაზე, გთხოვთ გვითხრათ თქვენი მოსაზრება, როგორ მუშაობს ქვემოთ ჩამოთვლილი დაწესებულებები(საიმედო,  არ საიმედო და არ ვიცი)? ჩამოთვლილი ინსტიტუტებიდან(1.ქართული ჯარი, 2. ეკლესია, 3. ქართული მედია, 4. პოლიცია, 5. საჯარო განათლება, 6. ადგილობრივი თვითმმართველობები, 7. საქართველოს მთავრობა(მინისტრთა კაბინეტი), 8. პარლამენტი, 9. ცესკო, 10. პრემიერმინისტრი აპარატი, 11. პოლიტიკური პარტიები, 12. რწმუნებულები, 13. მთავარი პროკურატურა, 14.ეროვნული ბანკი, 15. პრეზდენტის ადმინისტრაცია, 16. სასამართლო, 17.სავაჭრო გაერთიანებები), გამოკითხულთა 86 %-ს ქართულ ჯარი მიაჩნია საიმედოდ, ხოლო 85%-ს ეკლესია.

70%-ს კი არასაიმედოდ პრეზიდენტის ინსტიტუტი მიაჩნია, რომელსაც 64%-ით ეროვნული ბანკი მოჰყვება.

წინამდებარე კვლევის საველე სამუშაოები ჩაატარა კვლევისა და მარკეტინგის ინსტიტუტმა (IPM), 2019 წლის 11 სექტემბრიდან 14 ოქტომბრის ჩათვლით. კვლევას კოორდინაციას უწევდა კვლევითი კომპანიის „ბალტიის კვლევები/გელაპის ორგანიზაციის“ წარმომადგენელი,დოქტორი რასა ალისაუსკიენე, საერთაშორისო რესპუბლიკური ინსტიტუტის კვლევების ცენტრის დაკვეთით. კვლევა განხორციელდა პირისპირ ინტერვიუს მეთოდის გამოყენებით რესპოდენტების საცხოვრებელ სახლებში.
კვლევაში მონაწილეობა მიიღო საარჩევნო ხმის უფლების მქონე საქართველოს 1500-მა მაცხოვრებელმა, 18 წლის ასაკიდან. შერჩევა არის წარმომადგენლობითი და ზუსტად ასახავს საქართველოს მთლიან მოსახლეობას ასაკის, სქესის, რეგიონისა და სიდიდის გათვალისწინებით. გამოყენებული იქნა მრავალსაფეხურიანი ალბათობის მეთოდი, შემთხვევითი მარშრუტისა და შემდგომი დაბადებისდღის მქონე რესპოდენტის შერჩევის კრიტერიუმით.
წინამდებარე კვლევის ჩატარება შესაძლებელი გახდა ამერიკელი ხალხის უანგარო მხარდაჭერით, აშშ-ის საერთაშორისო განვითარების სააგენტოს (USAID) მეშვეობით. კვლევაში გამოთქმული შეხედულებები ეკუთვნის კვლევის ავტორ(ებ)ს და შესაძლოა, არ გამოხატავდეს
აშშ-ის საერთაშორისო განვითარების სააგენტოსა (USAID) ან/და აშშ-ის სახელმწიფოს ხედვებს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად