ირაკლი სესიაშვილი: გამიკვირდა, რომ ოპოზიციის ლიდერებმა პოლიციელების შეურაცხყოფის ფაქტი დაგმეს, მანამდე არ დაგმეს სააკაშვილის ასეთივე განცხადება

“სიმართლე გითხრათ გამიკვირდა, როდესაც რადიკალური ოპოზიციის ლიდერებმა ეს ფაქტი დაგმეს, რადგან მანამდე არ დაგმეს, თითქმის ასეთივე სააკაშვილის მძიმე განცხადება, როდესაც თავის აქტივისტებს მოუწოდებდა, რომ პოლიციელებს სახლში მივარდნოდნენ და შეურაცხყოფა მოეყენებინათ”.

ასე გამოეხმაურა “ქართული ოცნების” წევრი ირაკლი სესიაშვილი ოპოზიციის ერთ-ერთი მხარდამჭერის, ასლან ვაშაყმაძის განცხადებას და აღნიშნა, რომ მანამდე იყო მათი საპრეზიდენტო კანდიდატის გრიგოლ ვაშაძის უმსგავსო საქციელი, როცა მან პოლიციელს შეურაცხყოფა მიაყენა.

„ასევე, 20 ივნისს პოლიციელების რიგებიდან გამოყვანა, ცემა და მათზე ძალადობა. რეალურად, ეს არის მათი ერთიანი პოლიტიკური კულტურის გამოხატულება. მთავარი არის არა განცხადებები და მათი მხრიდან შეფასებები, არამედ ის, რომ პირველ რიგში ასეთ პოლიტიკურ აზროვნებას, ძალადობას და სახელმწიფო ინსტიტუტების დისკრედიტაციას გაემიჯნონ. მერე შეიძლება მათ პოლიტიკურ განცხადებებს და შეფასებებს ფასი ჰქონდეს“, – განაცხადა სესიაშვილმა.

შეგახსენებთ, ოპოზიციის ერთ-ერთი მხარდამჭერმა, ასლან ვაშაყმაძემ სოციალურ ქსელში ვიდეო გაავრცელა, სადაც სამართალდამცველების მისამართით აგრესიულად საუბრობს. ვიდეო შეიცავს მუქარას პოლიციელების მისამართით. მოგვიანებით, ვაშაყმაძემ ვიდეო სოციალური ქსელიდან წაშალა. ამასთან, ასლან ვაშაყმაძემ განმარტება გააკეთა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად