ირაკლი კობახიძე: კანონმდებლობა უშვებს, რომ მოქმედი პრემიერი საპარლამენტო სიაში იყოს

საპარლამენტო უმრავლესობის წევრის, ირაკლი კობახიძის განცხადებით, კანონმდებლობა უშვებს, რომ მოქმედი პრემიერი საპარლამენტო სიაში იყოს.

ამის შესახებ ირაკლი კობახიძემ ჟურნალისტების დასმული შეკითხვის საპასუხოდ განაცხადა, იქნებიან თუ არა მმართველი პარტიის საპარლამენტო სიაში გიორგი გახარია და მამუკა ბახტაძე.

ირაკლი ბახტაძე არ გამორიცხავს, რომ აღნიშნულ საკითხზე საუბარი გაიმართოს მამუკა ბახტაძესთანაც.

„მოქმედი კანონმდებლობა უშვებს იმას, რომ მოქმედი პრემიერი საპარლამენტო სიაში იყოს. ამაზე ტაქტიკური გადაწყვეტილება მიიღება გუნდის მიერ, მათ შორის, თავად პრემიერ-მინისტრთან კონსულტაციის საფუძველზე. ყველაფერ დანარჩენზე, რაც სიას უკავშირდება, საუბარი ჯერ ნაადრევია. კონსულტაციები იქნება და თითოეულ კანდიდატზე გადაწყვეტილებას მივიღებთ.

ყველასთან იქნება საუბარი. რა თქმა უნდა, მამუკა ბახტაძესთანაც შეიძლება, გვქონდეს საუბარი, თუ მას ასეთი ინტერესი აქვს. ჯერ ყველაფერზე საუბარი ნაადრევია. კონკრეტული კონსულტაციები აქამდე არვისთან არ ყოფილა“, – განაცხადა ირაკლი კობახიძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად