ირაკლი კობახიძე: დღეს მელია, როგორც პოლიტიკოსი, არის განულებული- რას გააკეთებს მელია, ან რას იტყვის სააკაშვილი, აღარ აქვს მნიშვნელობა

“ქართული ოცნების” თავმჯდომარის, ირაკლი კობახიძის განცხადებით, სამწუხაროდ, ნიკანორ მელიამ იმოქმედა სწორედ ისე, როგორც ეს აწყობდა არა სახელმწიფოს ან თვითონ მელიას, არამედ სააკაშვილს

ამის შესახებ ირაკლი კობახიძემ გადაცემაში “იმედის ფაქტორი” განაცხადა.

„დღეს მელია, როგორც პოლიტიკოსი, არის აბსოლუტურად განულებული. მან გააკეთა უმარტივესი განცხადება – „არ გადავიხდი, ვერ დამიჭერთ“, სახელმწიფომ კი ის დაიჭირა. სახელმწიფოს მიმართ უპატივცემულობისთვის მას საკადრისი პასუხი უკვე გაეცა. აქედან გამომდინარე, მელია, როგორც პოლიტიკოსი და ადამიანი, რომელსაც სახელმწიფოს მიმართ უნდა ჰქონდეს პასუხისმგებლობა, არის აბსოლუტურად განულებული. დღეს რას გააკეთებს მელია ან რას იტყვის სააკაშვილი, ამას აღარ აქვს მნიშვნელობა. ყველამ დაინახა, რომ მელია ნულია როგორც პოლიტიკოსი და სააკაშვილიც არის ნული როგორც პოლიტიკოსი. მათ სიტყვას ან ქმედებას არანაირი ფასი აღარ აქვს. პროცესები გაგრძელდება ისე, როგორც ეს აწყობს ქართულ სახელმწიფოს, საქართველოს ხელისუფლებასა და ჩვენს დასავლელ პარტნიორებს“, – განაცხადა ირაკლი კობახიძემ.

მსგავსი სიახლეები
კომენტარები
იტვირთება...