ირაკლი კობახიძე: დარწმუნებული ვარ, დამნაშავის დაკავების ოპერაცია მალე დასრულდება

„მიღებულია ყველა ზომა, ერთი – იმისთვის, რომ საბოლოოდ, დაკავებული იქნას ეს პირი და მეორე- იმისთვის, რომ მან არავითარი საფრთხე არ შეუქმნას გარშემო მყოფთ. ეს არის პოლიციის ამოცანა, შინაგან საქმეთა სამინისტროს ამოცანა და ზუსტად ამ ამოცანით მოქმედებენ ისინი“, – ამის შესახებ „ქართული ოცნების“ აღმასრულებელმა მდივანმა ბრიფინგზე, ზუგდიდში, ბანკზე მომხდარ თავდასხმაზე საუბრისას განაცხადა.

მისი შეფასებით, შინაგან საქმეთა სამინისტრომ ყველაფერი გააკეთა ოპერაციის წარმატებით ჩასატარებლად.

„თქვენ იცით, რომ შინაგან საქმეთა სამინისტრომ გააკეთა ყველაფერი იმისთვის, რომ პირველ დღეს წარმატებით ჩატარებულიყო ოპერაციის პირველი ეტაპი და გათავისუფლდა 43 მძევალი, სრულიად უვნებლად-ეს იყო პირველი ამოცანა. მეორე ამოცანა, ეს იყო დანაშაულის გახსნა და იცით, რომ მყისიერად გაიხსნა დანაშაული და უკვე მეორე დღეს, მაქსიმუმ, იყო ცნობილი ყველაფერი იმის თაობაზე, თუ ვინ იყო ამ შემთხვევაში დამნაშავე და მესამე ფაზაც, დარწმუნებული ვართ, ასეთივე წარმატებით დასრულდება, ძალიან მალე“, – განაცხადა ირაკლი კობახიძემ.

შეგახსენებთ, 21 ოქტომბერს, დაახლოებით 14 :00 საათზე ზუგდიდში, საქართველოს ბანკს თავს დაესხნენ. 12 საათიანი სპეცოპერაციის შემდეგ, ზუგდიდში, ერთ-ერთ ბანკზე თავდამსხმელმა მძევლად აყვანილი 43 ადამიანი გაათავისუფლა.

გავრცელებული ინფორმაციით, ის ჩხოროწყუს მუნიციპალიტეტის სოფელ კირცხიდან ტყეში გაიქცა და ამ დრომდე თავისუფალია.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად