ირაკლი ღარიბაშვილი: საოცრება მოხდა, ამას ვერ ვიოცნებებდით, არცერთი ნაციონალი არ შესულიყო პარლამენტში-უნიჭოები არიან, უტიფრები და ბრიყვები

საქართველოს თავდაცვის მინისტრი ირაკლი ღარიბაშვილი ტელეკომპანია POSTV-ის ეთერში ოპოზიციის მიერ მიღებულ გადაწყვეტილებას, რომ არ შევიდნენ საქართველოს პარლამენტში, კიდევ ერთხელ გამოეხმაურა.

ირაკლი ღარიბაშვილმა იმ ოპოზიციურ ლიდერებს, რომლებიც მიხეილ სააკაშვილთან არ არიან დაკავშირებული, დაფიქრება და პარლამენტში შესვლა ურჩია.
„ჩვენ ამას ვერ ვიოცნებებდით, რომ არცერთი ნაციონალი არ შესულიყო პარლამენტში, საოცრება მოხდა. უნიჭოები არიან, უტიფრები და ბრიყვები… როცა ამხელა შესაძლებლობას არ გამოიყენებ, 60 კაცი შევიდეს პარლამენტში, უკაცრავად, მაგრამ ვინც ამას გადაწყვეტს, ყველა ეს ადამიანი არის ბრიყვი. მეორე საკითხი, რაც ძალიან მიკვირს და მაოცებს – ის, ვინც პირდაპირ არ არიან დაკავშირებული მიხეილ სააკაშვილთან, მაგრამ არიან ამ რაღაც კომპლექსის ქვეშ – მიშას კომპლექსის, ნუთუ თავმოყვარეობა არ აწუხებთ?! მათ აქვთ შანსი, რომ გააგრძელონ პოლიტიკური ცხოვრება პარლამენტში და არა ქუჩაში და არ გამარგინალდნენ ნაცებთან ერთად. რეალური შესაძლებლობა მოგვეცემა იმისა, რომ რეალური დებატები ვიხილოთ პარლამენტსა და მთავრობას შორის“, – განაცხადა ირაკლი ღარიბაშვილმა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად