ინფექციურ საავადმყოფოში მყოფ ირანის ოთხ მოქალაქეს კორონავირუსი არ დაუდასტურდა

ინფექციურ საავადმყოფოში შეყვანილ ირანის ოთხ მოქალაქეს ახალი ტიპის კორონავირუსი არ დაუდასტურდა.

ამის შესახებ ინფექციური საავადმყოფოს დირექტორმა, თენგიზ ცერცვაძემ განაცხადა.

“მოგახსენებთ ირანის იმ ოთხი მოქალაქის შესახებ, რომლებიც გუშინ ღამით მოიყვანეს ჩვენთან კლინიკაში და ამ მომენტამდე აქ იმყოფებიან. მათ ყველანაირი გამოკვლევა ჩაუტარდათ და რენდგენოლოგიური გამოკვლევით არც ერთ მათგანს პნევმონია არ დაუდასტურდა, აგრეთვე არ აღმოაჩნდათ გრიპი და სულ ახლახანს, ნახევარი საათის წინ მივიღეთ პასუხი ლუგარის ლაბორატორიისგან, რომლის მიხედვითაც, მათ არც ახალი კორონავირუსის ინფექცია აღმოაჩნდათ. ამჟამად ოთხივე მათგანის მდგომარეობა დამაკმაყოფილებელია, ტემპერატურის მომატება არ აღენიშნებათ და დიდი ალბათობით, მათ დღის ბოლოს გავწერთ კლინიკიდან.”

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად