ინგლისის პრემიერლიგაში მანჩესტერელები დაწინაურდნენ, „ლივერპულმა” მე-4 ადგილზე გადაინაცვლა

ინგლისის პრემიერლიგაში პირველი წრე დასასრულს უახლოვდება

ბოლოსწინა ტურის ცენტრალური შეხვედრა ლივერპულში გაიმართა „ლივერპულსა” და „მანჩესტერ იუნაიტედს” შორის. როგორც ერთ, ისე მეორე გუნდს ჰქონდა გოლის გატანის შანსები, მაგრამ ვერ გამოიყენეს.

 

აღსანიშნავია, რომ გასვლაზე „კრისტალ პალასის” 7:0 დამარცხების შემდეგ „ლივერპულმა” 4 შეხვედრიდან სამი ფრედ დაასრულა და ერთი წააგო და ბოლო სამ შეხვედრაში გოლის გატანა ვერ შეძლო.

 
ასეთი, მისთვის წარუმატებელი სერიის შემდეგ, „ლივერპული” მე-4 ადგილზე ჩამოქვეითდა და ამჟამად პირველ ადგილზე მყოფ დღევანდელ მეტოქეს 3 ქულით ჩამორჩება.
 
მოპოვებული ქულებით მე-2 ადგილზე „მანჩესტერ სიტი” გადავიდა. მან დღეს საკუთარ მინდორზე „კრისტალ პალასი” დაამარცხა თანაქალაქელებს ქულით ჩამორჩება, თუმცა მასზე ერთით ნაკლები თამაში აქვს ჩატარებული.
 

„კრისტალ პალასთან” მატჩში მანჩესტერელთაგან გოლები ჯეიმს სტოუნზმა (26-ე და 68-ე წუთები) ილკაი გუნდოგანმა (57-ე წთ) და რაჰიმ სტერლინგმა (88-ე წთ) გაიტანეს.





მესამე ადგილზე „ლესტერ სიტია”. მან „საუთჰემპტონი” ჯეიმს მედისონის (37-ე წთ) და ჰარვი ბარნსი (90+5 წთ) მიერ გატანილი გოლებით დაამარცხა აგრეთვე 35 ქულა აქვს, ოღონდ 18 თამაშიდან.

 

მე-5 ადგილზე მყოფ „ტოტენჰემ ჰოტსპურს” 18 თამაშიდან 33 ქულა აქვს. ლონდონელებმა გასვლაზე აუტსაიდერი, „შეფილდ იუნაიტედი” დაამარცხეს. გოლები სტუმრებიდან სერჟ ორიემ (მე-5 წთ), ჰარი კინმა (მე-40 წთ) და ტანგი ნდომბელემ გაიტანეს, მასპინძელთაგან 59-ე წუთზე გატანილი ერთადერთი გოლის ავტორი დევიდ მაკგოლდრიკი იყო.

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად