ინაშვილი: საქართველო ის ქვეყანაა, სადაც ჟურნალისტმა ექიმზე უკეთესად იცის, როგორ უნდა გააკეთოს ოპერაცია

"ჩვენ ისეთი ამბიციური ხალხი ვართ, რამე რომ იყოს, ხომალდის გარეშე გავფრინდებით კოსმოსში და NASA – ს დირექტორს დავუწუნებთ პროფესიონალიზმს,- თანამედროვე კოსმოსის განვითარების ტენდენციებში ვერ ერკვევაო", – ამის შესახებ სოციალურ ქსელში "პატრიოტთა ალიანისის" ლიდერი ირმა ინაშვილი წერს. 

"საქართველო ის ქვეყანაა, სადაც ექიმმა ჟურნალისტზე უკეთესად იცის, როგორ უნდა მოამზადოს ტელეგადაცემა, ხოლო ჟურნალისტმა ექიმზე უკეთესად იცის, როგორ უნდა გააკეთოს ოპერაცია.

"საქართველო ის ქვეყანაა, სადაც სტატისტიკურად ათას კაცზე ერთი მეცნიერიც აღარ მოდის, ეს იმას ნიშნავს, რომ მეცნიერება მოკლეს. სამაგიეროდ, არასრული განათლების მქონე, დამწყები მაძიებელი რომელიღაცა უნივერსიტეტის რომელიღაცა კათედრაზე შემორჩენილ პატიოსან აკადემიკოსს სიამოვნებით ასწავლის, რა არის კიბერნეტიკა. ჩვენ ისეთი ამბიციური ხალხი ვართ, რამე რომ იყოს, ხომალდის გარეშე გავფრინდებით კოსმოსში და NASA – ს დირექტორს დავუწუნებთ პროფესიონალიზმს,- თანამედროვე კოსმოსის განვითარების ტენდენციებში ვერ ერკვევაო. აქ ყველა პროფესორობს, ვისაც არ ეზარება და სინამდვილეში, ამდენ "პროფესორს" ერთი პატარა ქვეყნისთვის ვერ მოგვივლია", – წერს ირმა ინაშვილი. 

მსგავსი სიახლეები
კომენტარები
იტვირთება...