იმნაძე: მინდა, სიამაყით განვაცხადო, 6 ქართველი ავადმყოფის ვირუსი გაშიფრულია, ატვირთულია მსოფლიო ბაზაში

“ჩვენ ახლა, აქტიურად მივადევნებთ თვალს ჩვენი ავადმყოფები არამარტო საიდან ჩამოვიდნენ, არამედ ვირუსს რომ გამოვყობთ ვიცით უკვე, ის ვირუსი რომელი ვირუსის ნათესავია”-ამის შესახებ, სსიპ „ დაავადებათა კონტროლის და საზოგადოებრივი ჯანმრთელობის ეროვნული. ცენტრის“ გენერალური დირექტორის მოადგილემ, პაატა იმნაძემ, იმედის ეთერში განაცხადა, სადაც ახალი კორონავირუსის მიმდინარეობაზე საუბრისას განაცხადა.

“მინდა, ძალიან სიამაყით განვაცხადო, რომ ჩვენ უკვე 6 შტამი, ანუ 6 ქართველი ავადმყოფის ვირუსი გაშიფრულია, ატვირთულია მსოფლიო ბაზაში, ამ ვირუსების გენომების.

ძალიან ზუსტად ჩაჯდა ეს ჩვენი ირანული წარმოშობის პაციენის ვირუსი ირანულ ჯგუფში, იტალიური წარმოშობის, იტალიურ ჯგუფში. ეს ვირუსები, უკვე ერთმანეთისგან განსხვავდებიან, რომელ ქვეყანაში, რომელი გენოტიპი…მუტაციები სულ ხდება, ვირუსი როცა ვრცელდება.

ჩვენ ახლა, აქტიურად მივადევნებთ თვალს ჩვენი ავადმყოფები არამარტო საიდან ჩამოვიდნენ, არამედ ვირუსს რომ გამოვყობთ ვიცით უკვე, ის ვირუსი რომელი ვირუსის ნათესავია, რომელი ქვეყნის.

როცა არ ვიცოდით, მოქალაქე ამბობდა ერთ-ერთი ჩვენი შემთხვევა, რომ მას ჰქონდა შეხვედრა რამოდენიმე უცხოელთან, ჩვენ დავადგინეთ, რომელ უცხოელისგან იყო ეს ვირუსი. იმიტომ რომ იმ ქვეყანაში გავრცელებული შტამის იდენტურია მისი ვირუსი. ამას აკეთებს ლუგარი ცენტრი, ისე როგორც წამყვანი ლაბორატორიები”-ამბობს იმნაძე.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად