უკრაინელები კონტრშეტევით თანდათან წინ მიიწევენ და მოკავშირეები უნდა ენდონ უკრაინის ჯარების საბრძოლო მოქმედებებს, – ამის შესახებ ნატო-ს გენერალურმა მდივანმა, იენს სტოლტენბერგმა „სიენენთან“ ინტერვიუში განაცხადა.
„მათ შეუძლიათ რუსების უკან დახევა, შეუძლიათ, გადალახონ დაცული ტერიტორიები, კერძოდ, ნაღმიანი ველები. ამიტომ ახლა უფრო მნიშვნელოვანია მათი მხარდაჭერა, რადგან ყველამ იცის, რომ ეს მძიმე ბრძოლაა. მათ აქვთ მიღწევები, ისინი ძალას იკრებენ“, – განაცხადა იენს სტოლტენბერგმა.
მისივე თქმით, ნატო-ს მოკავშირეები უპრეცედენტო სამხედრო მხარდაჭერას უწევენ უკრაინას, მაგრამ მთავარი გადაწყვეტილება უკრაინამ უნდა მიიღოს.
„საბოლოოდ, რთული და მკაცრი გადაწყვეტილებები დამოკიდებულია უკრაინელებზე, ბრძოლის ველზე სარდლობაზე. რასაც ვხედავთ არის ის, რომ უკრაინელებმა ისევ და ისევ გადააჭარბეს მოლოდინს. ჩვენ უნდა ვენდოთ მათ. ჩვენ ვურჩევთ, ვეხმარებით, მხარს ვუჭერთ, მაგრამ ეს გადაწყვეტილებები უკრაინელებმა უნდა მიიღონ“, – განაცხადა ნატო-ს გენერალურმა მდივანმა.
“Ukrainians have exceeded expectations again & again,” says NATO head @jensstoltenberg, as the slow pace of the counteroffensive prompts concern from some allies. “We need to trust them. We advise, we help, we support. But… it is the Ukrainians that have to make those decisions” pic.twitter.com/kvwnikZgcm
— Christiane Amanpour (@amanpour) August 30, 2023
