იაგო ხვიჩია: ხალხს რევოლუციურ სცენარს არავინ სთავაზობს, უბრალოდ აშინებენ ან ჰპირდებიან

რაღაც სხვა გვაქვს მოსაფიქრებელი, რაც, ჩემი აზრით, არის ის, რომ ის საერთაშორისო დიპლომატიური მხარდაჭერა, რომელიც ახლა ჩვენ გვაქვს, აქციებში კი არ გავფლანგოთ, არამედ მაქსიმალურად მეტი წამოვიღოთ ხელისუფლებიდან, – ამის შესახებ “გირჩის” თავმჯდომარემ იაგო ხვიჩიამ “რუსთავი 2”-ის ეთერში განაცხადა.

“ხალხს, არც არავინ სთავაზობს რევოლუციურ სცენარს, უბრალოდ, რევოლუციით აშინებენ, ან ჰპირდებიან, მაგრამ რეალურად, რევოლუციურ სცენართან არაფერი აქვს საერთო იმას, რაც ქვეყანაში ხდება. პრობლემა სხვა რამეშია, ადამიანები არიან გაღიზიანებულები, არ მოსწონთ “ქართული ოცნება”, ხვდებიან, ესენი რა ხალხია, მაგრამ არჩევანი ასეთია ამ ადამიანების თვალში, რომ თუ გახვალ აქციაზე და წარმატებული იქნება ის, რაშიც მიიღებ მონაწილეობას, მოდის მიშა ერთპიროვნულად. ამ ადამიანებს ეს არ უნდათ და ამის გამო იკავებენ თავს იქ გასასვლელად”, – განაცხადა იაგო ხვიჩიამ.

კითხვაზე, საზოგადოების ნაწილი ამბობს, რომ ვერ მივლენ იმ აქციაზე, სადაც ისინი არიან, ვინც 26 მაისისა და 7 ნოემბრის აქციის დარბევაში მონაწილეოდნენ და რამდენად სწორია ეს, რაზეც იაგო ხვიჩია ასე პასუხობს:

“შეიძლება მე რაღაცა ძალიან მომწონდეს პოლიტიკურად ან მორალურად, მაგრამ საზოგადოებისთვის ეს არ იყოს მისაღები. საკითხი ასე უნდა დავსვათ. მუშაობს თუ არა. ფაქტია, რომ მუშაობს. რაღაც სხვა გვაქვს მოსაფიქრებელი, რაც, ჩემი აზრით, არის ის, რომ ის საერთაშორისო დიპლომატიური მხარდაჭერა, რომელიც ახლა ჩვენ გვაქვს, აქციებში კი არ გავფლანგოთ, არამედ მაქსიმალურად მეტი წამოვიღოთ ხელისუფლებიდან. გამოვაშვებინოთ როგორც ნიკა მელია, ისე გიორგი რურუა დაც შევთანხმდეთ თამაშის ისეთ პირობებზე, სადაც გასაგები იქნება, რომ მომავალში ხელისუფლებას ერთპიროვნულად ვერავინ ვერ ჩაიგდებს ხელში. ამაზე უფრო სწორი გადაწყვეტილება ჩვენ, როგორც პოპულაციამ, საქართველოს მოსახლეობამ, რომელსაც მართლა გვაღელვებს ამ ქვეყნის ბედი, რა უნდა მივიღოთ?!,”- აცხადებს იაგო ხვიჩია.

მსგავსი სიახლეები
კომენტარები
იტვირთება...