იაგო კაჭკაჭიშვილი: თუ ვაშაძის ტექსტებს “გავაშიშვლებთ”, აშკარაა, რომ ოპოზიციის პარლამენტში შესვლას არ გამორიცხავს

ყველა შემთხვევაში, გრიგოლ ვაშაძეს უპერსპექტივოდ მიაჩნია ვადამდელი არჩევნების იდეა და, აქედან გამომდინარე, ის ეთანხმება იმას, რომ „ქართულმა ოცნებამ“ მთავრობა ერთპიროვნულად ჩამოაყალიბოს.

სიმართლე გითხრათ, არ მჯერა, რომ ოპოზიციურ სუბიექტებს (ვაშაძისნაირების გარეშე) ვადამდელი არჩევნების ჩატარების პერსპექტივა, ახლო (!) მომავალში, რეალურად მიაჩნდეთ. მათ უფრო ის ეიმედებათ, რომ უოპოზიციოდ დარჩენილ პარლამენტს ლეგიტიმაციის პრობლემა დაუდგება და არალიგიტიმურობის (ან, ნაკლებად ლეგიტიმურობის) „სტიგმით“ ის პერმანენტული კრიზისის პირობებში იფუნქციონირებს. ეს კი, ოპოზიციის გათვლით, საბოლოო ანგარიშით, ვადამდელ არჩევნებს მაინც მოიტანს.

ამ წუთას, პირადად ჩემი პოზიცია საინტერესო არ არის. მაგრამ უაღრესად საინტერესო იქნება, რას ფიქრობენ საქართველოს ამომრჩევლები, განსაკუთრებით – ოპოზიციურად განწყობილი ამომრჩევლები. ჰოდა, ერთი პატიოსანი, რეპრეზენტატული, ეროვნული შერჩევის კვლევის ჩატარება არ გვაწყენდა”, – წერს იაგო კაჭკაჭიშვილი.